Rúmlega fimmtugur, brasilískur karlmaður hefur verið ásakaður um að eiga sjö börn með dóttur sinni. Hann er einnig grunaður um misnotkun á barnabarni sínu. Maðurinn var handtekinn í Pinheiro í Brasilíu í vikunni.

Jose Agostinho Bispo Pereira var handtekinn í kjölfarið á kvörtunum, segir lögreglan. Pereira er sagður hafa beitt dóttur sína kynferðislegu ofbeldi og haldið henni í gíslingu.

Samkvæmt lögreglu hafði Pereira samfarir með dóttur sinni frá tólf ára aldri. Hún er nú tuttugu og níu ára gömul og hefur eignast sjö börn með föður sínum.

„Þetta er glæpur. Ég veit að þetta er glæpur,“ sagði Pereira í viðtali við sjónvarpsstöð. „En hún framdi glæpinn einnig, er það ekki? Svo ég varð að fremja hann.“

„Bóndi gerir aðeins hluti vegna þess að hinn aðilinn samþykkir, því ef hinn aðilinn samþykkir ekki, þá gerir manneskjan það ekki,“ bætti hann við.

Lögreglan er þessa stundina að rannsaka hvort Pereira hafi einnig misnotað tveggja ára gamalt barnabarn sitt eða önnur börn sín.

„Yfirvöld munu biðja um læknisrannsókn á tveimur dætrum  Pereira og dóttur hans, sem eru átta og sex ára gamlar,“ sagði Adriana Meireles, lögreglustjóri. „Hin átta ára gamla hefur nú þegar játað við lögreglu að Pereira hafi káfað á sér og við munum renna frekari stoðum undir það með læknisrannsókninni.“

Börnin sjö eru allt frá tveggja mánaða gömul til tólf ára. Þau fundust í slæmu ásigkomulagi, skítug og hvorki í skóm né fötum, inni í húsinu sem hann Pereira deildi með dóttur sinni.