Játaði að hafa myrt dóttur sína

Slæða svipuð þeirri sem stúlkan neitaði að ganga með
Slæða svipuð þeirri sem stúlkan neitaði að ganga með

Faðir og bróðir sextán ára gamallar stúlku sem var myrt árið 2007 játuðu á sig morðið í réttarsal í Toronto í Kanada í dag. Segja þeir ástæðuna vera að hún hafi óhlýðnast þeim og neitað að ganga með blæju.

Faðirinn, Muhammad Parvez, sextugur leigubílstjóri og flutningabílstjórinn Waqas Parvez, 29 ára, játuðu á sig morðið á Aqsa Parvez í árslok 2007 og verða dæmdir í lífstíðarfangelsi. Verða þeir að sitja af sér átján ár hið minnsta áður en þeir eiga möguleika á að sækja um náðun.

Bróðir hennar sótti hana út á stoppistöð þar sem hún kom heim úr skólanum og fór með hana heim þann 10. desember 2007. Þar kyrkti faðir hennar hana. Hann hringdi eftir morðið í neyðarlínuna og sagðist hafa myrt dóttur sína.

Móðir stúlkunnar og eiginkona Muhammad, segir að hann hafi sagt henni að hann hefði myrt dóttur þeirra, yngsta barn þeirra af átta, vegna ósæmilegrar hegðunar hennar. Hann sagði að það væri smán fyrir hann að geta ekki haft stjórn á dóttur sinni. 

Öll fjölskyldan er fædd í Pakistan og flutti til Kanada, hluti hennar árið 1999 og hin 2001. Konur í fjölskyldunni klæðast enn í samræmi við íslamtrú og eru fjárhagslega háðar karlmönnunum. Aqsa hafði kvartað yfir menningarmun á heimilinu við ráðgjafa í skólanum ári áður en hún var myrt. Eins að faðir hennar hefði fundið fyrir hana eiginmann í Pakistan. Sama ár og hún dó, einungis tveimur mánuðum fyrir morðið, fóru foreldrar hennar með hana í verslunarleiðangur þar sem hún fékk að kaupa sér vestræn föt en þá hafði hún strokið ítrekað að heiman.

mbl.is

Bloggað um fréttina

Skoðanakannanir

[ Nánar | Allar kannanir í CSV-skrá ]

Frá Sýrlandi til Evrópu - Greinaflokkur

Lok á heita potta og hitaveitu- skeljar
Lok á heita potta og hitaveitu- skeljar Stærðir í cm: 200x200, 210x210, 220x220,...
ALLT MILLI HIMINS OG JARÐAR !!!!!!!!!!
NOTAÐ&NÝTT er ný verslun á Skemmuvegi 6 á bak við BYKO. Mikið úrval af fallegum ...
 
Hádegisfundur ses
Fundir - mannfagnaðir
ses.xd.is Samtök eldri sjálfstæði...
Sölumaður / kona
Iðnaðarmenn
Sölumaður / kona óskast til að annas...
Fyrirtæki í reykjavík
Önnur störf
Fyrirtæki í Reykjavík óskar eftir ...
Eldri borgarar
Staður og stund
Aflagrandi 40 Opin vinnustofa kl. 9 og s...