Börn í Afríku OMAR FARUK

33 drengir hafa látið lífið vegna misheppnaðra umskurðaraðgerða sem eru liður í hefðbundnum vígsluathöfnum í Suður-Afríku. Fjöldi til viðbótar hefur endað á sjúkrahúsi með lemstraða getnaðarlimi.

Dauðsföllin áttu sér öll stað á Austur-Höfða svæðinu, sem er eitt það fátækasta í landinu og meðal fárra svæða þar sem ungir drengir eru enn sendir samkvæmt hefðinni í leynilega skóla úti í skógi þar sem þeir eru umskornir til að vígja þá í heim fullorðinna.

Talsmaður heilbrigðisyfirvalda, Sizwe Kupelu, segir að síðasta dauðsfall hafi átt sér stað í þorpinu Moyeni, þar sem yfirvöld fóru nýlega um með það í huga að hjúkra nýumskornum drengjum með sýkingar í limnum. „Það sem er svo svekkjandi er að bara í síðustu viku fórum við þarna um en þorpsbúar földu drengina fyrir okkur. Nú kalla þeir okkur á staðinn til að segja okkur að einn drengjanna sé dáinn. Þetta er mjög átakanlegt og mikill óþarfi, því við hefðum getað bjargað þessum dreng."

Margir drengir liggja á sjúkrahúsi eftir umskurðu sem fóru úrskeiðis, þar á meðal tveir sem misstu getnaðarliminn í aðgerðinni.  Á hverju ári deyr hópur drengja vegna skurðaðgerðanna sem framdar eru af við slæmar aðstæður á afskekktum svæðum.  Engu að síður kjósa þeir að ganga í gegnum athöfnina því geri þeir það ekki gæti það þýtt félagslega höfnun það sem eftir er lífs þeirra.