ESB vill opna landamæri Gaza
Setja bókamerki
Utanríkisráðherra Evrópusambandsins, lafði Ashton, segir nýlegar tilslakanir Ísraelsmanna gangvart Gaza ekki duga til. Nauðsynlegt sé að opna landamærin.
Ashton er nú í opinberri heimsókn á Gaza svæðinu. Hún er áhrifamesti vestræni stjórnmálamaðurinn sem hefur heimsótt svæðið síðan stjórnvöld í Ísrael ákváðu að slaka innflutningsbanninu þangað. Gríðarlega strangar reglur hafa gilt um hvað megi fara inn fyrir landamærin.
Ashton segir mikilvægt að alþjóðasamfélagið þrýsti á Ísrael að stöðva hið svokallaða umsátursástand sem ríkt hafi á Gaza um nokkurt skeið.
Í kjölfar þess að valdatöku Hamas samtakanna á Gaza hafa Ísraelsmenn bókstaflega haldið svæðinu í einangrun.
Ashton fundaði ekki opinberlega með forsvarsmönnum Hamas samtakana. Evrópusambandið, Bandaríkin og Ísrael viðurkenna ekki tilkall Hamas til Gaza og skilgreina samtökin sem hryðjuverkasamtök.
Í ferð sinni heimsótti utanríkisráðherrann einnig ísraelska bæinn Sderot en íbúar bæjarins hafa mátt þola reglulegar flugskeytaárásir frá Palestínu.
BBC greindi frá þessu.
Krefjast stöðvunar framkvæmda
„Það þarf að vinna mikinn fjölda upp“
Sex hafa greinst með listeríu
Handteknir eftir myndatöku í Vesturbæjarlaug
Æskuvinur Íslendings myrtur í Noregi
Skar höfuðleðrið af íslenskri konu
Tveir í bílnum sem lenti utan vegar