Ekkert lát á skógareldunum

Enn loga skógar- og kjarreldar víða í Rússlandi og Portúgal. Þorp og skóglendi hafa orðið eldinum að bráð og tjónið er gífurlegt. Heilu sveitirnar eru í hættu í Portúgal og eru yfir sex hundruð slökkviliðsmenn að berjast við að halda eldinum í skefjum.

Bændur nota dráttarvélar sem slökkviliðsbíla og litlar flugvélar fljúga yfir og varpa vatnssprengjum.

Ástandið er svipað í Rússlandi en ekki hafa kviknað viðlíka eldar þar í landi í tæp fjörtíu ár. Skógar Rússlands eru þeir stærstu í heimi, að flatarmáli eru þeir álíka víðfeðmir og Kanada. Fólk í sveitum Rússlands og vistfræðingar er ósátt við hversu hægt stjórnvöld hafa brugðist við og eins hversu illa undirbúin þau eru þegar slíkar hamfarir ríða yfir.

mbl.is

Bloggað um fréttina

Fleira áhugavert
Fleira áhugavert