Neyðarhjálp mun ekki renna til öfgahópa

Innanríkisráðherra Pakistan, Rehman Malik, segir að neyðarhjálp frá alþjóðasamfélaginu muni renna til fórnarlamba flóðanna ekki öfgahópa líkt og margir óttast. Malik segir í samtali við BBC að talibanar muni ekki fá tækifæri til þess að nýta sér ástandið í landinu til stuðnings samtökum sínum.

Samkvæmt upplýsingum frá Sameinuðu þjóðunum hefur tæpur helmingur þess fjár sem safna á. Stefnt er að því að safna 460 milljónum Bandaríkjadala til stuðnings íbúa á flóðasvæðunum.

Sameinuðu þjóðirnar telja að allt að þrjár og hálf milljón barna eigi á hættu að verða sjúkdómum að bráð vegna flóðanna í Pakistan. Óttast er að þúsundir barna geti smitast af kóleru.

 Flóðin hafa haft áhrif á 20 milljónir manna og eyðilagt uppskeru, bæi og þorp og lamað samgöngur. Um 1.600 eru látnir og er talið líklegt að sú tala eigi enn eftir að hækka.

• 1 blogg um fréttina

Bloggað um fréttina

• Kristin stjórnmálasamtök: Styrkjum bágstadda í Pakistan