Vændiskonur fagna sigri

Frá Ontario. Niagarafoss er þekktasta kennileiti ríkisins.
Frá Ontario. Niagarafoss er þekktasta kennileiti ríkisins.

Vændiskonur í Ontario í Kanada fögnuðu sigri í dómsmáli í gær en þá úrskurðaði dómari að bann við rekstri vændishúsa í ríkinu skyldi afnumið. Voru rök vændiskvennanna þau að bannið yki áhættu þeirra í starfi með því að þvinga starfssystur þeirra til að vinna við hættuleg skilyrði.

Haft er eftir einni vændiskonunni á vef breska útvarpsins, BBC, að úrskurðurinn frelsi vændiskonur undan þeirri ánauð sem bannið hafi verið.

Segir þar einnig að ríkisstjórnin í Kanada kunni að áfrýja dómnum af ótta við að önnur sambandsríki í Kanada kunni að fylgja í kjölfarið.

Athygli vekur að dómarinn, Susan Himel , er kona en í rökstuðningi hennar segir að bann við rekstri vændishúsa og útgerð vændis brjóti í bága við stjórnarskrárbundin rétt einstaklinga til frelsis, athafna og öryggis.

Dómsniðurstaðan er rökstudd í 131 bls. skýrslu sem er aðgengileg hér en á blaðsíðu 24 kemur fram að sönnunargögnum hafi verið aflað á tveggja og hálfs árs tímabili og grein gerð fyrir þeim á alls 25.000 síðum í 88 bindum. 

Öruggara á vændishúsum

Er ein meginniðurstaðan sú að vændiskonur hvaðanæva að úr Kanada telja öruggara að stunda vændi innandyra en að selja blíðu sína með götuvændi. Á hinn bóginn geti slæm stjórnun dregið úr öryggi vændis innandyra.

Vændiskonurnar bentu einnig á að með því að getað skipulagt þjónustu sína, viðskiptavini, stað og stund, geti þær aukið öryggi í starfi. Með líku lagi sé aðstoð bílstjóra sem fylgist með hvort þær skili sér frá viðskiptavini til þess fallin að auka öryggi þeirra.

Tekið er fram í skýrslunni að engin ein staðalmynd af vændiskonu dugi til að lýsa vændiskonum í Kanada, enda sé bakgrunnur þeirra sem leggja fyrir sig vændi afar ólíkur. Ástæður þess að konur leggi fyrir sig vændi séu jafn ólíkar og þær séu margar.

mbl.is

Bloggað um fréttina

Frá Sýrlandi til Evrópu - Greinaflokkur

Flott kommóða rótar-spónn - sími 869-2798
Er með flotta kommóðu, spónlagða og innlagða á 25.000. Hæð 85x48x110 cm, 5 skúff...
INTENSIVE ICELANDIC, ENGLISH & NORWEGIAN f. foreigners - ÍSLENSKA f. útlendinga - ENSKA f. fullorðna - NORSKA - NORWEGIAN
START/BYRJA: 30/10, 27/11 - 2018: 8/1, 5/2, 5/3, 2/4, 30/4, 28/5, 25/6.(HOLIDAY...
SÆT ÍBÚÐ T. LEIGU Í VENTURA FLORIDA
GOLF & SÓL . Til leigu vel búnin & björt 2 svh & 2 bh íbúð á 18 holu golfvalla...
Heimili í borginni- www.eyjasolibudir.is
Fallegar 2-3ja herb. íbúðir fyrir fjölskyldur og erlenda ferðamenn . ALLT til AL...
 
L helgafell 6017112219 iv/v
Félagsstarf
? HELGAFELL 6017112219 HogV IV/V M...
Skipulag
Tilkynningar
Borgarbyggð Skipulagsauglýsingar Sv...
L edda 6017112119 i h&v
Félagsstarf
? EDDA 6017112119 I H&V; Mynd af augl...
Framhald uppboðs
Nauðungarsala
Uppboð Einnig birt á www.naudungarsolu...