George Papandreou, t.v., og Costas Simitis. mbl.is

Costas Simitis, fyrrverandi forsætisráðherra Grikklands segir það „bull“ að hátt settir aðilar innan Evrópusambandsins hafi varað sig við slæmum efnahagshorfum fyrir nokkrum árum.

Í viðtali við gríska ríkissjónvarpið hafnaði Simitis því líka að hann hafi viðurkennt við embættismann hjá Evrópusambandinu við hann gæti lítið gert í hinni miklu spillingu sem þrifist í Grikklandi.

„Þetta er bull,“ sagði Simitis, en hann var við völd á árunum 1996 til 2004, og hafði því meðal annars umsjón með upptöku Grikkja á Evrunni og undirbúningi hinna dýru Ólympíuleika, sem haldnir voru í Aþenu árið 2004.

„Í stjórnartíð minni var hagvöxtur í Grikklandi 5% og hallarekstur hins opinbera 4%. Ég hafði enga ástæðu til, né hefði ég tekið það í mál, að ræða það hvort landið mitt væri spillt eða ekki,“ sagði Simitis.

Jean-Claude Juncker, einn af æðstu embætissmönnum Evrópusambandsins, sagði á föstudaginn að vandi Grikklands hefði verið vel þekktur, en honum haldið leyndu þar til virkilega fór að kreppa að.

„Það var augljóst að einn daginn myndu Grikkir myndu lenda í vandræðum, og við vissum að það myndi gerast,“ sagði Juncker a fundi AGS og Alþjóðabankans í Washington um helgina.

Hann bætti því við að reynt hefði verið að leita lausnar í samráði við „ónefndan forsætisráðherra Grikklands,“ en sá hafi svarað því til að hann stýrði „spilltu landi.“

Samstarfsmenn arftaka Simitis, Costas Karamanlis, hafa hafnað því að hann Karamanlis hafi látið þessi ummæli falla.