Óeirðalögreglan í Frakklandi náði í nótt yfirhöndinni yfir stórri olíustöð austur af París, sem er ein af 12 olíustöðvum sem mótmælendur hafa haldið í gíslingu í rúmlega 10 daga. Nicolas Sarkozy Frakklandsforseti fyrirskipaði fyrr í þessari viku að yfirvöld skildu brjóta á bak aftur lokunum mótmælenda eftir að þúsundir bensínstöðva urðu uppiskroppa með eldsneyti.

Seint á aðfaranótt föstudags réðst lögregla til atlögu og tók völdin á olíustöðinni Grandpuits, sem er sú stöð sem stendur næst höfuðborginni, í 50 km fjarlægð. Stöðin er sögð afar mikilvæg fyrir dreifingu eldsneytis til höfuðborgarinnar, og til alþjóðaflugvallanna Orly og Charles de Gaulle. Einn talsmaður verkalýðsfélaganna lýsti aðgerðum lögreglu sem hneyksli,  vegna þess að hún hefði látið til skarar skríða um miðja nótt.

Það styttist í að öldungadeild franska þingsins kjósi um frumvarp Sarkozy um lækkun eftirlaunaaldurs.