Harvard háskóli í Bandaríkjunum er talinn besti háskóli heims.

Times Higher Education Llist, sem er árlegur listi um gæði háskóla, er nú kominn út í sjöunda skipti.
200 háskólar um víða veröld komast á listann, sem byggir á fimm þáttum; kennslu, rannsóknum, tilvitnunum í rit gefin út af háskólanum, tengsl við atvinnulífið og hversu alþjóðlegur skólinn er.

Breskir háskólar verma efstu þrjú sætin á Evrópulistanum; efstur á blaði er Cambridge, síðan kemur Oxford háskóli og í þriðja sæti er Imperial College. Í fjórða sæti er tækniháskólinn í Zurich, Swiss Federal Institute of Technology Zurich og í því fimmta er enn einn breskur háskóli, University College í London.

Karólínski læknaháskólinn í Svíþjóð er sá háskóli á Norðurlöndunum sem kemst efst á Evrópulistann, en hann er í níunda sæti.

Vestanhafs þykir Harvard háskóli vera sá besti, í öðru sæti er Tækniháskólinn í Kaliforníu,  California Institute of technology og í þriðja sæti er MIT eða Massachusetts Institute of Technology. Í næstu sætum eru Stanford, Princeton og Berkeley.

Þessir fimm háskólar í Bandaríkjunum eru líka í efstu fimm sætunum á heimslistanum.

Enginn íslenskur háskóli er á heimslistanum.

Listana má sjá á vefsíðu Times Higher Education List. Þar er einnig hægt að sjá lista eftir vísindasviðum.