Eiturlyfjastríð hefur kostað fjölda fólks lífið í Mexíkó undanfarin ár. CLAUDIA DAUT

Yfirvöld í Mexíkó hafa handtekið 14 ára gamlan dreng, sem sakaður er um að hafa starfað sem leigumorðingi fyrir smyglhringi. Honum er gefið að sök að hafa afhöfðað fórnarlömb sín, segir í tilkynningu frá mexíkóska hernum.

Drengurinn, Edgar Jimenez, hefur verið eftirlýstur frá því í október. Hann var handtekinn á flugvelli í Morelos, en hann var á leið um borð í flugvél á leið til landamæraborgarinnar Tijuana í norðurhluta landsins.

Jimenez, sem gengur undir viðurnefndinu „hinn skikkjuklæddi,“ hafði áður verið sleppt úr haldi vegna ungs aldurs eftir að hafa verið handtekinn ásamt sex öðrum.

Sjömenningarnir eru sagðir hafa játað það, í myndskeiðum sem birt voru á netinu, að banað fjölda fólks sem fannst hangandi neðan úr brú suður af Mexíkóborg. Jimenez hafði það hlutverk að afhöfða fórnarlömbin, og skera af þeim kynfærin, að sögn fjölmiðla í Mexíkó.

Jimenez er sagður hafa unnið með systrum sínum, sem notuðu sjálfar sig sem tálbeitu.