Tveir létu lífið og tugir slösuðust þegar farþegaþota nauðlenti á Domodedovo flugvelli í Moskvu eftir að drapst á þremur af fjórum hreyflum hennar. Flugvélin rann út af flugbrautinni eftir lendinguna.
Talsmaður rannsóknarnefndar flugslysa í Moskvu staðfesti við Interfax fréttastofuna að fólk hefði látið lífið og slasast.
Flugvélin er af gerðinni Tu-154. Líklegt er að hún hafi verið í innanlandsflugi.