Til átaka hefur komið á milli lögreglumanna og mótmælenda í Aþenu, höfuðborg Grikklands, þar sem verkalýðsfélög stóðu fyrir allsherjarverkfalli til að mótmæla hagræðingaraðgerðum stjórnvalda.  

Mótmælendur köstuðu m.a. bensínsprengjum fyrir framan þinghúsið og svaraði óeiðarlögregla með táragasi. Kveiktir voru eldar fyrir utan glæsihótel við Syntagmatorg, sem er við þinghúsið. 

Hópur fólks elti uppi og barði fyrrverandi ráðherra, sem neyddist til að leita skjóls inni í nærliggjandi byggingu.

Verkfallið hefur lamað flug og almenningssamgöngur í landinu auk þess sem skólum hefur verið lokað. Þetta er í sjöunda sinn sem landsmenn hefja allsherjarverkfall í Grikklandi á þessu ári til að mótmæla niðurskurði og hagræðingu stjórnvalda, sem þau þurfa grípa til til að fá 110 milljarða neyðaraðstoð frá alþjóðlegum stofnunum.

Að sögn lögreglu tóku um 15.000 þátt í mótmælunum í Aþenu.

Mótmælendur hlaupa á brott frá brennandi bifreið í borginni. Reuters

Vegfarandi reynir að vernda Kostis Hatzidakis, sem er fyrrverandi ráðherra íhaldsmanna, þegar fjölmennur hópur réðist á hann. Reuters