Evran víti til varnaðar í Afríku

Grískur evrupeningur.
Grískur evrupeningur. Reuters

Vandræðin á evrusvæðinu undanfarna mánuði eru víti til varnaðar fyrir þá Afríkumenn sem aðhyllst hafa sameiginlegt myntbandalag nokkurra ríkja álfunnar. Þykja vandræði evrunnar undirstrika nauðsyn þess að undirbúa slíkt myntsamstarf af kostgæfni til að forðast sömu mistök og í evruríkjunum 16.

Þetta er skoðun David Marsh, stjórnanda fjármálafyrirtækisins Oxford Capital Markets, en hann viðrar hana í grein á vef Market Watch, systurvef Wall Street Journal.

Marsh kveðst hafa rætt gjaldeyrismál við afríska embættismenn og hefur eftir einum þeirra að evrukrísan hafi vakið menn af værum blundi í Afríku.

Sú spurning sé m.a. borin upp hvort gjaldmiðill með föstu gengi samræmist markmiðum þróunarríkja um hagvöxt.

Nálgast má grein Marsh hér.

mbl.is
Fleira áhugavert
Fleira áhugavert