Félagar í samtökunum Rauðu skyrturnar mótmæla í Bangkok. Reuters

Þúsundir mótmæla nú á götum Bangkok, höfuðborgar Taílands. Talið er að  yfir 15.000 félagar í hreyfingunni Rauðu skyrturnar, sem eru andstæðingar ríkisstjórnarinnar hafi safnast þar saman. Mikil öryggisgæsla er í borginni.

Leiðtogi Rauðu skyrtanna er fyrrum forsætisráðherra landsins, Thaksin Shinawatra. Hann er í útlegð í Dúbaí vegna ásakana um spillingu og ávarpaði fundinn símleiðis.

Shinawatra, sem nú er viðskiptajöfur, nýtur mikillar hylli meðal snauðra íbúa Taílands, en þeir betur settu hafa á honum ímugust og segja hann spilltan, valdasjúkan og ógn við konungsveldið.

„Það eina sem við viljum er friður,“ sagði Shinawatra. „Við viljum frjálsar og sanngjarnar kosningar. Þær verða ekki haldnar á næstunni, því að ríkisstjórnin hagnast á spillingunni. “

Rauðu skyrturnar stóðu fyrir svipuðum mótmælafundum í apríl og maí á síðasta mánuði. Þá brutust út óeirðir á milli mótmælenda og lögreglu og lágu 90 í valnum eftir það.

Andstæðingarnar sem kalla sig Gulu skyrturnar, halda fundi við stjórnarráð Taílands og hvetja forsætisráðherra landsins, Abhisit Vejjajiv, til að segja af sér. Gulu skyrturnar voru áður stuðningsmenn hans.

Abhisit hefur sagt að hann muni boða til kosninga á fyrir helmingi þessa árs, ef friður haldist í landinu.