Elti tengdafjölskyldu sína með samurai-sverði

Hinn tvítugi Zen Timothy Singleton hefur verið færður í fangelsi fyrir að særa tvo ættingja sína. Atvikið átti sér stað þegar Singleton elti tengdafjölskyldu sína með samurai-sverði í íbúðarhverfi í suðurhluta Kaliforníu-ríkis í Bandaríkjunum.

Að sögn lögreglu mun hún óska eftir því að Singleton verði ákærður fyrir morðtilraun. Nágrannar hringdu á lögreglu á þriðjudag þegar þeir sáu Singleton æða á eftir fólki með svo kallað katana samurai-sverð.

Fimmtugur tengdafaðir Singleton var skorinn á læri og tuttugu og fjögurra ára gamall mágur hans hlaut skurð á enni eftir gler sem skaust á hann þegar Singleton braut rúðu með sverðinu.

Singleton sat á gangstéttarbrún þegar lögreglan kom auga á hann og handtók. Hann situr nú inni vegna rannsóknar á morðtilraun, vopnaðri árás, þjófnaði og skemmdarverkum.

• Blogga um frétt