Bónusar fyrir öryggismál

Frá lekasvæðinu á Mexíkóflóa
Frá lekasvæðinu á Mexíkóflóa Reuters

Fyrirtækið Transocean sem bar ábyrgð á rekstri olíuborpalls British Petroleum (BP) á Mexíkóflóa þar sem leki olli miklu umhverfisslysi í fyrra hefur nú greitt æðstu stjórnendum sínum tröllauknar bónusgreiðslur í tilefni góðs árangurs í öryggismálum á liðnu ári. Ásamt BP og Halliburton-olíufélaginu hefur Transocean verið kennt um slysið og mengunina undan ströndum Mexíkó og Bandaríkjanna.

Frá þessu greinir á vefsíðu BBC.

Transocean hefur statt og stöðugt haldið því fram að BP beri eitt ábyrgð á slysinu.

Níu af þeim ellefu sem létust í á olíupallinum á Mexíkóflóa unnu fyrir Transocean en þrátt fyrir það greinir fyrirtækið frá því að slys og öryggisáföll hafi verið færri nú en áður og að þær uppákomur sem urðu hafi ekki verið eins alvarlegar. Samkvæmt upplýsingum frá fyrirtækinu var þetta besta ár fyrirtækisins frá upphafi í öryggismálum.

„Þrátt fyrir hin harmþrungnu dauðsföll á Mexíkóflóa náðum við fyrirmyndar árangri í tölfræði öryggismála hvað varðar heildarfjölda uppákoma og heildaralvarleika,“ segir í öryggisskýrslu fyrirtækisins.

Lekinn á Mexíkóflóa stóð yfir frá 20. apríl í fyrra og fram í júlí. Milljónir lítra af olíu láku í hafið og menguðu strandir við flóann. Barack Obama, forseti Bandaríkjanna, kallaði slysið 11. september umhverfisslysanna.

mbl.is

Frá Sýrlandi til Evrópu - Greinaflokkur

Byggingastjórn - Húsasmíðameistari
Tek að mér byggingastjórn og uppáskrift húsasmíðameistara fyrir einstaklinga og ...
Ford Transit Rimor árg. 2008
Ford Transit Rimor húsbíll. Nýskr 05.2008. Ekinn 84 þús. 5 gíra. Eyðslugrann...
* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...
 
Vélavörður
Sjávarútvegur
Vélavörður Vísir hf. óskar ef...
Framhald uppboðs
Nauðungarsala
Uppboð Einnig birt á www.naudungarsolu...
Félagsstarf
Staður og stund
Árskógar Opin smíðastofa kl. 9-15. Opið ...
Félagsstarf
Staður og stund
Árskógar Hádegismatur, mexíkanskur hakkr...