Bandarísk kona hefur verið dæmd í 10 ára fangelsi fyrir tilraun til manndráps eftir að einhverfur sonur hennar lést úr krabbameini. Konan var sögð hafa vanrækt drenginn og leiddi það til þess að hann fékk ekki þá aðstoð sem hann þurfti á að halda.

Meðan á fangelsisvistinni stendur þarf Kristen LaBrie að fara á reiðistjórnunarnámskeið. Að afplánun lokinni verður hún svo á skilorði í fimm ár.

Saksóknari sagði að LaBrie hefði markvisst komið í veg fyrir að sonur hennar, Jeremy Fraser, fengi þau lyf sem hann þurfti á að halda og að hann gengist undir geislameðferð.

Fraser, sem var einhverfur, greindist með eitlaæxli þegar hann var 6 ára. Þegar hann lést, 9 ára að aldri, hafði hann náð að sigrast á sjúkdómnum en banamein hans var hinsvegar hvítblæði.

Saksóknari hélt því fram að vanræksla LaBrie hefði átt stóran þátt í láti sonar hennar, hún hafði leyft krabbameininu að dreifa sér í líkama drengsins eftir að hann hafði náð að sigrast á því einu sinn áður.

Lögmaður LaBrie sagði að kerfið hefði brugðist skjólstæðingi sínum. „Stundum á fólk með geðræn vandamál erfitt með að leita sér hjálpar. Þá koma félagsráðgjafar til sögunnar. Þeir eiga að geta skynjað þegar fólk á við vandamál að stríða. Það gerðu félagsráðgjafarnir, sem komu við sögu í þessu máli, ekki. “