Bandaríski öldungadeildarþingmaðurinn og fyrrum forsetaframbjóðandinn John McCain heimsótti höfuðstöðvar uppreisnarmanna í borginni Benghazi í austurhluta Líbíu í morgun.
Hópur fólks safnaðist að McCain þegar hann mætti í dómshúsið í miðborginni og kyrjaði fólkið „Frjáls Líbía, Gaddafi farðu burt - þakka þér Ameríka, þakka þér Obama“.
Reiknað er með að McCain hitti foringja þjóðarráðs uppreisnarmanna síðar í dag, að sögn embættismanna.