Upphaflega myndin sem Hvíta húsið sendi frá sér. Reyters

Bandarískt dagblað, málgagn heittrúaðra gyðinga í Brooklyn í New York, hefur beðist afsökunar á að Hillary Clinton, utanríkisráðherra bandaríkjanna, og Audrey Tomason, yfirmaður hryðjverkavarna í Bandaríkjunum, voru þurrkaðar út af mynd sem birt var í blaðinu.

Hvíta húsið sendi frá sér mynd þar sem Barack Obama, Bandaríkjaforseti, og helstu ráðgjafar hans í varnarmálum, fylgdust með aðgerðum sérsveitarmanna í Pakistan þegar Osama bin Laden var ráðinn af dögum.

Þegar blaðið  Der Tzitung, sem gefið er út á jiddisku í New York, birti frétt um málið fylgdi myndin með en þar sáust þær Clinton og Tomason hvergi. 

Blaðið hefur nú bent frá sér afsökunarbeiðni og segist ekki hafa með þessu viljað sýna konunum vanvirðingu. Það sé hins vegar regla hjá blaðinu að birta ekki myndir af konum og það sé í samræmi við velsæmislögmál heittrúaðra gyðinga.

Blaðið segir í tölvupósti, sem sendur var til Washington Post, að það hafi beðið bandaríska utanríkisráðuneytið og Hvíta húsið afsökunar á að hafa breytt myndinni. 

Þegar Hvíta húsið sendi myndina frá sér fylgdu með fyrirmæli um að ekki mætti breyta henni. Der Tzitung segir, að myndaritstjórinn hafi ekki lesið smáa letrið, sem fylgdi með myndinni. 

„Hann gleymdi sér í sigurvímunni og hann vildi sýna hvað hann gæti gert í Photoshop," hefur vefur Sky eftir Albert Freeman, ritstjóra blaðsins.

Konurnar fjarlægðar af myndinni

Vefurinn Failedmessiah.com birti þessa mynd af blaðinu.