Umhverfisvænt að fella úlfalda?

Talið er að um 1,2 milljónir úlfalda gangi nú lausir ...
Talið er að um 1,2 milljónir úlfalda gangi nú lausir í óbyggðum Ástralíu, þar sem þeir hafa fengið að vera í friði í rúma öld. Reuters

Áströlsk stjórnvöld leggja til að það verði gert leyfilegt að fella úlfalda í því skyni að draga úr losun gróðurhúsalofttegunda. Hvergi í heiminum eru fleiri villtir úlfaldar en í Ástralíu. Yfirvöld eru farin að líta á þá sem umhverfisógn þar dýrin losa mikið af metangasi þegar þau ropa.

Tillagan gengur út á það að leyfa skyttum að fella dýrin og í staðinn fá þeir kolefnisheimildir (e. carbon credits) sem þeir geta svo selt fyrirtækjum á heimsvísu, sem vilja fá aukna kolefnisheimildir.

Talið er að hver og einn úlfaldi losi um 45 kíló af metangasi á ári hverju. Það samsvarar einu tonni af koltvísýringi á ári, sem er um það bil einn sjötti þess sem bandaríska umhverfisverndarstofnunin segir að meðalbifreið framleiði árlega.

Í næstu viku mun fulltrúadeild ástralska þingsins greiða atkvæði um frumvarp sem fjallar um að setja á laggirnar kerfi sem veitir kolefnisheimildir í baráttunni við losun gróðurhúsalofttegunda. Talið er að það verði samþykkt sem lög innan fárra vikna.

Í framhaldinu verður farið yfir það sem menn verði að gera til að fá slíkar heimildir. Þar á meðal verður skoðað hvort úlfaldaráp heyri undir það.

mbl.is

Bloggað um fréttina

Frá Sýrlandi til Evrópu - Greinaflokkur

Iðnaðarhúsnæði óskast.
Erum að leita af iðnaðarhúsnæði til leigu, 200-400m2 á höfuðborgarsvæðinu með há...
Innfluttningur á enn betra verði fyrir alla
Hjálpum fólki að útvega allt frá Bretlandi á mun lægra verði sem viðkemur vinnu...
Gjafabréf á ljósmyndanámskeið
Hægt er að kaupa gjafabréf á öll námskeið á rafrænu formi hjá ljosmyndari.is ...
 
L helgafell 6017121319 vi
Félagsstarf
? HELGAFELL 6017121319 VI Mynd af au...
Aðalskipulag snæfellsbæjar
Fundir - mannfagnaðir
Auglýsing á aðalskipulagi Snæfellsbæ...
Land til sölu
Til leigu
Land til sölu Til sölu eða leigu 4,6 h...
Félagsstarf aldraðra
Staður og stund
Aflagrandi 40 Opin vinnustofa kl. 9, gön...