Jaycee Dugard, til hægri, ræðir við fréttakonuna Diane Sawyer. Reuters

Í nýrri bók fjallar Jaycee Dugard, sem var í haldi mannræningja í 18 ár, um samskipti sín við mannræningjana og hvernig henni tókst að lifa af. Hún fjallar í smáatriðum um ótrúlegar þjáningar sem hún mátti þola, en einnig um einmannaleikann.

Phillip Garrido rændi Dugard þegar hún var 11 ára gömul. Hún slapp ekki frá honum og Nancy Garrido, konu hans, fyrr en 18 árum síðar. Meðan hún var í haldi eignaðist hún með honum tvö börn. Ævisaga hennar heitir „A Stolen Life“ og kemur út á morgun.

Dugard segist hafa saknað móður sinnar mikið og hafi óttast að hún myndi gleyma hvernig hún leit út. Hún lýsir samskiptum sínum við Garrido og segir að þrátt fyrir ofbeldið sem hún mátti þola hafi hún viljað að hann væri nálægur vegna þess að hann hafi verið eina manneskjan sem hún sá.

„Þegar hann var ekki að meiða mig,“ skrifar hún í bókinni, „þá finnst honum gaman að koma mér til að hlægja.“

Fram kemur í bókinni að Garrido hafi tekið metamfetamín til að gera honum kleift að nauðga Dugard lengur í hvert og eitt skipti. Hann batt hana fasta og lét hana taka þátt í alls kyns kynferðisleikjum.

„Það er jóladagur,“ skrifar Dugard þegar hún fjallar um jólahátíðina 1993. „Ég er ein. Ég er yfirleitt alltaf ein. Engin talar við mig. Engir faðmar mig að sér nema þegar Phillip kemur. Hann faðmar mig stundum og lætur mig líða eins og það sé einhver sem elskar mig.“

Dugard, sem hefur ekki gengið í skóla frá því henni var rænt, segir að hún gerir sér grein fyrir að bókin geti virkað ruglandi á suma, en hún reyni að segja sannleikann um þessi ár í lífi sínu.

Jaycee Dugard var ellefu ára þegar henni var rænt. HO