Augljóst brot á Schengen-sáttmála

Tveir danskir lagaprófessorar segja í dag, að hert landamæraeftirlit danskra stjórnvalda sé augljóst brot á Schengen-sáttmála Evrópusambandsins. Komi málið til kasta Evrópudómstólsins muni Danir án efa tapa því.

„Schengen-sáttmálinn segir skýrt, að ekki megi draga úr hraða ökutækja vegna landamæraeftirlits," segja þeir Carsten Willemoes Jørgensen og  Karsten Engsig Sørensen í grein í blaðinu Berlingske Tidende. Þeir eru báðir prófessorar við Árósaháskóla.

Þegar myndir, sem birtar hafa verið af landamæraeftirlitinu, eru skoðaðar sést að þetta eftirlit brýtur greinilega í bága við Schengen." 

Dönsk stjórnvöld hertu eftirlit á landamærastöðvum við Þýskaland og Svíþjóð. Danir segja að markmiðið sé að koma í veg fyrir smygl á fíkniefnum og öðrum vörum og það sé í samræmi við Schengen-sáttmálann að skoða bíla tilviljanakennt.

Evrópusambandið hefur hins vegar gagnrýnt aðgerðirnar og segja að vel verði fylgst með framkvæmd dönsku reglnanna til að tryggja að þær brjóti ekki Evrópureglur.  

• 2 blogg um fréttina

Bloggað um fréttina

• Kristinn Snævar Jónsson: Augljós galli við Schengen
• Ómar Gíslason: Er esb vinir dópsala?