Hundruðum bjargað úr vatninu
Blóm, kransar og kerti hafa verið lögð til minningar um þau sem voru myrt í Utøya á föstudaginn var.
FABRIZIO BENSCH
Setja bókamerki
Nærri 300 manns var bjargað í báta eða þau syntu sjálf til lands á flótta úr harmleiknum á Utøya í Noregi á föstudaginn var. Magne Rustad, aðalvarðstjóri í lögreglunni í Nordre Buskerud, greindi frá þessu á blaðamannafundi í dag.
„Allar tölur eru svolítið ónákvæmar. En við vitum að ýmsir bátar í einkaeigu björguðu um 250 manns úr vatninu. Þar til viðbótar eru þeir sem gátu synt í land og þeir sem bjargað var um borð í ferjuna. Samtals eru þetta um 300 manns,“ sagði Rustad í samtali við Aftenposten.
Ýmsir persónulegir munir hafa fundist á botni Tyrifjarðar, vatnsins sem Utøya er í. Leit með smákafbáti og báti með leitartæki heldur áfram. Enn er eins saknað sem var í eynni.
Vélsleðaslys: Þyrlan kölluð út á mesta forgangi
Skar höfuðleðrið af íslenskri konu
„Skýr skilaboð til Seðlabankans“
Vona að Orkustofnun veiti ekki virkjunarleyfi
Veiting hvalveiðileyfis ekki brot á EES-samningi
Banna mengandi búnað sem leyfður er á Íslandi
Kostnaður meiri en milljón á fermetra
Tveir í bílnum sem lenti utan vegar