Lögregla trúði honum ekki

Leitað við Utøya
Leitað við Utøya Reuters

Föður tveggja ungmenna sem voru stödd í Utøya í Noregi á föstudag var ekki trúað þegar hann hringdi í neyðarlínu lögreglu og sagði að verið væri að skjóta á börn hans.  

Í samtali við dagblaðið Fremover í Narvik segir Geir Johnsen að dóttir hans, sem var stödd á Utøya ásamt bróður sínum, hafi hringt heim og sagt að brotist hafi út skelfing á eyjunni er maður fór að skjóta á fólk í eyjunni. Johnsen segist hafa beðið börnin sín um að koma sér í var. Hann reyndi ítrekað að hringja í neyðarlínuna án þess að ná sambandi. Loks fékk hann samband klukkan 17:30 að norskum tíma, 15:30 að íslenskum tíma.


Honum hafi hins vegar ekki verið trúað þegar hann greindi frá því sem dóttir hans hafði sagt honum og var tjáð að þau yrðu að hringja sjálf í lögregluna. Skipti þar engu að sonur hans hafi hringt í farsíma hans á meðan Johnsen reyndi að sannfæra neyðarlínuna um alvarleika málsins og að sonur hans hefði sömu sögu að segja og systir hans skömmu áður.

Þrátt fyrir að hafa grátbeðið lögregluna að taka mark á orðum sínum varð konunni sem svaraði í símann ekki haggað. Börnin yrðu að hringja sjálf og tilkynna um skotárásina.

Þar sem enga hjálp var að fá hjá lögreglunni leitaði Johnsen til gamals vinar sem starfar á skrifstofu í miðborg Óslóar. Sá sagði honum frá sprengingunni í miðborginni.  

Magne Hugo Nilsen, sem stýrir neyðarlínunni á Midtre Hålogaland lögreglustöðinni segir að málið verði rannsakað.

Lögreglan hefur staðfest við fjölmiðla að hún hafi ekki komið á eyjuna fyrr en klukkutíma eftir að tilkynnt var um skotárásina. Segir hún ástæðuna vera að engin þyrla var til staðar. 

AFP fréttastofan hefur eftir öðrum föður, sem missti dóttur sína í árásinni og á aðra dóttur sem særðist, að lögregla hafi tjáð honum að árás hefði verið gerð í miðborg Óslóar og lögreglan einbeitti sér að því máli. Fékk hann þessi svör eftir að hafa fengið símtal frá dóttur sinni frá eyjunni þar sem hún greindi honum frá skotárásunum.

Reuters
Frá miðborg Óslóar í morgun
Frá miðborg Óslóar í morgun SCANPIX NORWAY
mbl.is

Frá Sýrlandi til Evrópu - Greinaflokkur

útskorið og flott sófaborð
er með fallegt sófaborð útskorið með svartri glerplötu á 35,000 kr sími 869-2798...
Fágætar vínilplötur í Kolaportinu!!
Mikið úrval af fágætum vínilplötum í Kolaportinu við gluggavegg miðjan sjávarmeg...
VIÐHALD FASTEIGNA
Við þjónustum þig með lítil sem stór verk. Tímavinna eða tilboð. sími: 544-44...
 
Framhald
Nauðungarsala
Uppboð Einnig birt á www.naudungarsolu...
Framhald
Nauðungarsala
Uppboð Einnig birt á www.naudungarsolu...
Framhaldsuppboð
Nauðungarsala
Uppboð Einnig birt á www.naudungarsolu...
Samkoma
Félagsstarf
Samkoma kl. 20 í Kristni- boðssalnum. K...