Lögregla í Noregi segist ætla að yfirheyra Anders Behring Breivik að nýju á morgun um hryðjuverkin, sem hann framdi í Ósló og á Utøya. 76 létu lífið í árásunum.

Til þessa hefur Breivik aðeins verið yfirheyrður einu sinni og tók yfirheyrslan sjö stundir. Pål Fredrik Hjort Kraby, lögfræðingur hjá lögreglunni í Ósló, sagði á blaðamannafundi í Ósló í dag að Breivik verði yfirheyrður að nýju á morgun en ekki kom fram hvað lögreglan ætlaði að spyrja hann um. 

Að sögn norska ríkisútvarpsins NRK hefur leit verið hætt við Utøya. Lögregla hefur birt nöfn á 17 þeirra, sem létu lífið í árásunum. Stjórnvöld í Georgíu sögðu í morgun, að lík konu frá Georgíu, sem saknað var eftir skotárásina á Utøya, hefði nú fundist. Konan hét   Tamta Liparteliani en lík hennar fannst í vatninu við eyjuna. Hafði hún verið skotin í bakið. 

Tengdar fréttir

Fjöldamorðið í Útey/Anders Behring Breivik

Breivik tapaði máli gegn ríkinu

• „Enn hættulegasti maður Noregs“
• Notar geðlyf til að komast í gegnum daginn
• Breivik reynir aftur að losna úr einangrun
• Beiðni Breiviks um reynslulausn hafnað

» Fleiri tengdar fréttir

• 1 blogg um fréttina

Bloggað um fréttina

• Axel Jóhann Hallgrímsson: Tökum höndum saman