Íbúar Filippseyja hafa hafið hreinsunarstörf eftir að fellibylurinn Nesat endaði þar í landi. Tala látinna er komin upp í 18 manns og ennfremur er 35 manns ennþá saknað. Manila, höfuðborg Filippseyja, varð mjög illa úti í fellibylnum.

,,Húsið okkar varð fyrir barðinu á stórum öldum af sjó og rusli. Öldurnar lentu ítrekað á húsinu sem varð til þess að það hrundi til grunna," sagði Marites Goyala, íbúi Tondo hverfisins, en íbúar Manila reyna að bjarga því sem bjargað verður.

Fórnarlömb fellibylsins hafa leitað skjóls hjá Rauða krossinum þar sem þeir hafa fengið þak yfir höfuðið og læknishjálp. Sjálfboðaliðar Rauða krossins finna að margir eru veikir og sárir, en stór hluti þeirra eru börn. Sumir þeirra sem urðu fyrir barðinu á fellibylnum halda í vonina að yfirvöld í landinu komi þeim til hjálpar, en talið er að reikningurinn við hreinsunar og uppbyggingarstörf í borginni sé í kringum 2,3 milljónir dollarar.