Björgunarsveitir í Nýja-Sjálandi vinna nú að því að dæla um 1.000 tonnum af olíu sem eru í gámaflutningaskipinu Rena sem strandaði á rifi við strönd landsins 5. október. Menn etja nú kappi við tímann því vondu veðri er spáð á strandstað.

Einnig er unnið að því að sækja búnað um borð í skipið sem hallar til hliðar.

Framhluti skipsins situr á rifinu en hinn helmingurinn flýtur á hafinu þar sem dýpi er mikið. Þá er komin sprunga á skipsskrokkinn.

Siglingamálastofnun Nýja-Sjálands segir að menn búist við því að meiri olía muni leka í sjóinn. Hins vegar sé unnið að því að dæla eins miklu magni og hægt sé úr skipinu áður en veðrið tekur breytingum til verri vegar.

Enn eru um 1.000 tonn af olíu í skipinu.

Siglingamálastofnunin segir jafnframt að hún sé með varaáætlun til takst gerist þörf á því að koma björgunarsveitarmönnum á vettvangi til aðstoðar.