Segir Líbíu verða hófsamt múslimaríki

Mustafa Abdel Jalil, leiðtogi þjóðarráðsins í Líbíu, sagði í dag að Líbía yrði hófsamt múslimaríki. Athygli vakti í gær að Jalil lýsti því yfir að ný stjórnarskrá landsins yrði byggð á íslömskum sjaríalögum sem m.a. heimila fjölkvæni.

„Ég vil fullvissa alþjóðasamfélagið um að við Líbíumenn erum múslimar en hófsamir múslimar," sagði Jalil í dag. 

Franska utanríkisráðuneytið sagði í dag að náið yrði fylgst með því hvort Líbíumenn virtu mannréttindi í ljósi yfirlýsingar Jalils í gær um sjaríalögin. 

Og Catherine Ashton, utanríkismálastjóri Evrópusambandsins, sagði einnig að Líbíumenn yrðu að virða mannréttindi þegar sjaríalög yrðu tekin upp. Bandaríska utanríkisráðuneytið tók í sama streng.  

Jalil sagði í dag að ný bráðabirgðaríkisstjórn yrði mynduð innan hálfs mánaðar. Í kjölfarið á að kjósa stjórnlagaþing til að semja nýja stjórnarskrá. Verða það fyrstu lýðræðislegu kosningarnar í landinu frá því Muammar Gaddafi rændi völdum árið 1969.  Loks á að kjósa nýtt þing og forseta innan 20 mánaða. 

Jalil sagði einnig að skipuð hefði verið nefnd til að rannsaka það hvernig dauða Gaddafis bar að sl. fimmtudag.  Bandaríkjastjórn hvatti ráðamenn í Líbíu í dag einnig til að rannsaka ásakanir um að fjöldi stuðningsmanna Gaddafis hefði verið tekinn af lífi án dóms og laga á síðustu dögum.

mbl.is

Bloggað um fréttina

Frá Sýrlandi til Evrópu - Greinaflokkur

Hoppukastalar.is -Candyfloss-Popp-leikir
Bjóðum upp à ýmisslegt fyrir barnaafmæli , fjölskyldusamkomur o.fl. Hoppukastala...
Nissan Leaf útsala!
Nissan Leaf útsala! 2015 bílar, eknir milli 20 og 35 þús. Nokkrir litir. Allir m...
KRISTALL LJÓSAKRÓNUR
Ný sending af glæsilegum kristalsljósakrónum, veggljósum, matarstellum, kristals...
 
Eldri borgarar
Staður og stund
Aflagrandi 40 Það er opin vinnustofa hjá...
Reikningsskiladagur
Fundir - mannfagnaðir
Reikningsskiladagur FLE Föstudagur...
Hádegisfundur ses
Fundir - mannfagnaðir
ses.xd.is Samtök eldri sjálfstæði...
Félagsstarf
Staður og stund
Aflagrandi 40 Hjá okkur er opin vinnusto...