Hrun evrusvæðisins yrði hörmulegt fyrir alla

Reuters

„Við viljum ekki sjá hrun evrusvæðisins, það væri hörmulegt fyrir alla. Við viljum sjá evrusvæðið ná sér hratt á strik. Kína hefur mikla trú á evrunni, á evrópska samrunanum,“ hefur fréttavefurinn Euobserver.com eftir Hua Chunying, ráðgjafa kínverska utanríkisráðuneytisins í Evrópumálum.

Kínverjar hafa undanfarin misseri keypt mikið af ríkisskuldabréfum evruríkja í sunnanverðri Evrópu sem átt hafa við mikinn efnahagsvanda að stríða. Að sögn Hua er stærsta vandamál Evrópusambandsins ekki fjármunir heldur skortur á trausti. Nokkuð sem væri eðlilegt í ljósi þess hversu ósamstætt sambandið væri. „En ég trúi því að um leið og allir gera sér grein fyrir því að þetta er vandamál sem snýst um líf eða dauða evrunnar þá muni þeir grípa til skjótra aðgerða,“ segir hún.

Hua segir það ekki ásættanlegt í augum Kínverja að evrusvæðið yrði minnkað þannig að einhver ríki yfirgæfu svæðið. „Þeir geta aðeins haldið áfram sem eitt svæði. Þetta er ekki spurning um val,“ segir hún og bætir við að Evrópa hafi áður verið í sögulegu samhengi klettur í hafinu þegar kæmi að stöðugleika og Kínverjar vonuðu að svo yrði áfram.

Aðspurð hvort kínversk stjórnvöld væri að undirbúa áætlanir ef til þess kæmi að evrusvæðið liðaðist í sundur neitaði hún því. „Nei við viljum ekki sjá það gerast. Allir munu bíða tjón af því ef það gerist.“

mbl.is

Frá Sýrlandi til Evrópu - Greinaflokkur

Til leigu rúmgóð og falleg 3ja herb íbúð við Norðurgötu á Akureyri.
Til leigu rúmgóð og falleg 3ja herb íbúð við Norðurgötu, efri hæð í tvíbýli. L...
Flugskýli til leigu Nú er úti norðanél
Flugskýli til leigu Nú er úti norðanél nú er Esjan hvít sem mél Ef að ég ættii ú...
PL Crystal Line, heitustu úrin í Paris.
Með SWAROVSKI kristals skífu, 2ja ára ábyrgð. Sama verð og í heimalandinu 16 til...
 
Aðalfundur
Fundir - mannfagnaðir
Aðalfundur Aðalfundur Vör...
Framhald
Nauðungarsala
Uppboð Einnig birt á www.naudungarsolu...
Hádegisfundur ses
Fundir - mannfagnaðir
ses.xd.is Samtök eldri sjálfstæði...
Samkoma
Félagsstarf
Samkoma kl. 20 í Kristniboðs- salnum. R...