Fjórir af hverjum fimm Norðmönnum eru nú andvígir því, að Norðmenn sæki um aðild að Evrópusambandinu, samkvæmt skoðanakönnun, sem stofnunin Sentio hefur gert fyrir blaðið Nationen.
Alls sögðust 79,8% þeirra, sem tóku þátt í könnuninni, vera andvígir aðild að ESB en 12,6% voru henni hlynntir. Hefur stuðningur við ESB-aðild aldrei mælst minni í Noregi.
Talsmaður samtaka norska atvinnulífsins segir við Nationen, að rekja megi þessa andstöðu til skuldakreppunnar á evrusvæðinu.