Sjö ára nauðgað og myrt

Réttarlæknir segir að sjö ára stúlka, sem fannst látin í ruslatunnu fyrir utan fjölbýlishúsið sem hún bjó í í Georgíu í Bandaríkjunum, hafi látist vegna alvarlegra höfuðáverkum. Hún hafði einnig verið stungin með hnífi og henni nauðgað.

Talið er að morðinginn búi í húsinu eða hafi greiðan aðgang að því, segir Vernon Keenan, rannsóknarlögreglumaður. „Við höfum fengið þónokkrar mikilvægar vísbendingar og við erum að fara að kanna þær,“ segir hann.

65 lögreglumenn vinna við rannsókn málsins en stúlkan, Jorelys Rivera, fannst látin þremur dögum eftir að hún hvarf af leikvelli skammt frá heimili sínu í Canton, um 65 km frá Atlanta. Talið er að hún hafi látist rúmum klukkutíma eftir að henni var rænt.

Rannsóknarlögreglumenn hafa fundið blóð í auðri íbúð í blokkinni. Enginn hefur verið úrskurðaður í varðhald vegna málsins.

„Heimur minn hrundi,“ segir faðir Rivera, Ricardo Galarza. „Ég trúði ekki að þeir rændu henni frá mér.“ Amma hennar er sömuleiðis harmi slegin. „Þeir eyðilögðu sál mína. Þeir tóku burt hluta af hjarta mínu.“

Lögreglan segir að foreldrar stúlkunnar liggi ekki undir grun.

• Blogga um frétt