Erlent | AFP | 11.12.2011 | 19:40

Óttast ekki upplausn ESB

Meirihluti almennings í Þýskalandi telur að ESB muni ekki líða undir lok. Reuters

Meirihluti Þjóðverja telur að Evrópusambandið muni ekki liðast í sundur þrátt fyrir að Bretar hafi neitað að undirrita nýjan samning um skatta- og fjármál. Þetta kemur fram í nýrri skoðanakönnun sem var birt í dag fyrir dagblaðið Bild am Sonntag.

Sex af hverjum 10 segjast vera þeirrar skoðunar að ESB muni standa af sér storminn, en 33% aðspurðra telja aftur á móti að sambandið muni leysast upp.

Ákvörðun Davids Camerons, forsætisráðherra Bretlands, hefur hins vegar komið illa við nokkra þýska stjórnmálamenn, m.a. Martin Schulz sem verður næsti forseti Evrópuþingsins. Hann segist efast um að Bretland verði áfram hluti af ESB til langs tíma litið.

Efnahagsráðherra Þýskalands, Philipp Rösler, segir að bresk stjórnvöld muni brátt átta sig á því að vegurinn að stöðugra sambandi sé besta lausnin.

Þátttakendur í könnunni voru 1.000 og var hún framkvæmd sl. fimmtudag og föstudag.

Erlent »

Tveggja daga þjóðarsorg í Argentínu

16:42 Fjölmargir Argentínumenn leituðu örvæntingarfullir að ástvinum á spítölum Buenos Aires í dag í von um að þeir hefðu lifað af lestarslys í gærkvöldi sem kostaði 50 manns lífið. Hundruð eru slasaðir og hefur tveggja daga þjóðarsorg verið lýst yfir í landinu. Víða má sjá flaggað í hálfa stöng. Meira

Ítalski öryggisvörðurinn Salvatore Girone á leið úr dómshúsinu.

Verðir áfram í varðhaldi

16:20 Indverskur dómstóll hefur dæmt tvo verði af ítölsku olíuflutningaskipi í áframhaldandi gæsluvarðhald. Mennirnir skutu tvo indverska sjómenn til bana. Þeir héldu að mennirnir væru sjóræningjar. Meira

Sextán létust í snjóflóðum

Þorspbúar skoða ummerki eftir snjóflóðið.

15:42 Að minnsta kosti 16 hermenn létust og þriggja er enn saknað eftir tvö mikil snjóflóð í Kasmír-héraði á Indlandi í nótt. Herbúðir eru að hluta til grafnar undir fönn og varað er við fleiri flóðum. Meira

Leita enn að líkum um borð

14:37 Enn er leitað að líkum sjö manna sem saknað er eftir að skemmtiferðaskipið Costa Concordia sökk undan ströndum ítölsku eyjunnar Giglio. Lík fimm ára stúlku fannst í gær en faðir hennar fórst einnig í slysinu. Meira

Látin hlaupa í 3 tíma í refsingarskyni

13:35 Tvær bandarískar konur hafa verið handteknar eftir að þær létu níu ára stúlku hlaupa í þrjár klukkustundir samfleytt með þeim afleiðingum að hún fékk krampakast vegna ofþornunar og dó nokkrum dögum síðar. Voru konurnar að refsa stúlkunni fyrir að hafa logið að annarri þeirra. Meira

Vilja flytja lík Colvin frá Sýrlandi

Marie Colvin. Hún missti sjónina á öðru auga í Sri Lanka árið 2001 en lét ...

14:59 Flytja á breskan ljósmyndara, sem særðist í Homs í Sýrlandi í gær í árás sem varð tveimur vestrænum félögum hans að bana, úr borginni sem fyrst. Að sögn breska utanríkisráðuneytisins á að flytja Paul Conroy til nágrannaríkis þar sem hann mun fá læknisaðstoð. Eki hafa fengist upplýsingar um hvort hann sé enn í Homs eða hvort hann sé lagður af stað. Meira

Sjö hermenn létust í þyrluslysi

Bandarískir hermenn. Myndin er úr safni.

14:24 Sjö landgönguliðar létust á heræfingu í gærkvöldi í Arizona í Bandaríkjunum þegar tvær þyrlur skullu saman. Meira

Obama biðst afsökunar á bókabrennu

13:20 Barack Obama, forseti Bandaríkjanna, hefur sent Hamid Karzai, forseta Afganistan, afsökunarbeiðni vegna bandarískra hermanna í Bagram-stöðinni sem vanvirtu íslam með því að brenna Kóraninn og fleiri helgirit múslima. Meira

Segja Ben Bella ýmist lífs eða liðinn

12:58 Misvísandi fréttir berast nú af því hvort Ahmed Ben Bella, fyrrum forseti Alsírs, sé lífs eða liðinn. Eitt dagblaðanna þar í landi hefur greint frá því að Ben Bella sé látinn, 96 ára að aldri, en alsírsk fréttastofa segir hann í stöðugu ástandi á spítala. Meira

Fórnarlamba nýnasistahóps minnst

Angela Merkel kanslari við minningarathöfnina.

11:11 Einnar mínútu þögn var haldin í Þýskalandi í morgun til að minnast fórnarlamba nýnasista. Angela Merkel kanslari sagði fjölskyldum fórnarlambanna við sérstaka minningarathöfn í Berlín að þjóðin syrgði með þeim. Meira

Aðstoðar þörf í Mósambík eftir fellibylji

11:46 Alþjóðlegi Rauði krossinn kallaði í dag eftir þremur milljónum dala, um 375 milljónum kr., til að aðstoða þúsundir fjölskyldna í Mósambík sem enn bíða aðstoðar eftir að tveir fellibyljir gengu yfir landið í síðasta mánuði. Meira

Flytja erlenda fanga úr fangelsinu

Fangar í varðturni í Kerobokan-fangelsinu í Denpasar á Balí.

10:38 Yfirvöld í Indónesíu byrjuðu í dag að flytja erlenda fanga úr Kerobokan-fangelsinu á Balí. Þar hafa miklar óeirðir brotist út og hefur föngunum tekist að koma fangavörðunum frá og taka við stjórninni. Meira

Umferðamiðstöð sprengd í Peshawar

10:07 Átta létust og þrjátíu særðust þegar sprengja sprakk í umferðamiðstöð í Peshawar í norðvesturhluta Pakistans. Enginn hefur lýst yfir ábyrgð á árásinni. Meira

Halda hátíð fyrir Pútín

08:17 Um 30,000 manns gengu fylktu liði um miðborg Moskvu í morgun til að sýna stuðning sinn við forsetaframboð Vladimirs Pútíns forsætisráherra Rússlands. Stjórnarandstæðingar segja að fólki hafi verið skipað að taka þátt í hátíðahöldunum. Meira

Segja samkynhneigð glæpsamlega

07:43 Innanríkisráðuneyti Indlands hvetur hæstarétt landsins til að úrskurða um að kynlíf samkynhneigðra sé glæpur. Ráðuneytið segir það vera ósiðlegt, gegn öllum náttúrulögmálum og að þannig smitist alnæmi. Meira

Breivik á marga pennavini

09:37 Norski fjöldamorðinginn Anders Behring Breivik stendur í umfangsmiklum bréfaskriftum við fjölda manna úr fangaklefa sínum. Honum er mikið í mun að stefnuyfirlýsing hans, hið svokallaða manifesto, nái til sem flestra. Meira

Fangaverðir hjálpuðu föngum að flýja

07:57 Tugir mexíkóskra fangavarða voru handteknir í gær, grunaðir um að hafa aðstoðað dæmda meðlimi eiturlyfjagengja við að flýja úr fangelsi síðastliðna helgi. Meira

Fundu lík fimm ára stúlku

Kafarar finna fleiri lík í Costa Concordia

07:24 Kafarar fundu í nótt átta lík í flaki skemmtiferðaskipsins Costa Concordia sem marar undan strönd ítölsku eyjarinnar Giglio. Þar á meðal er lík fimm ára gamallar stúlku. Meira