Fjögurra daga ráðstefna stendur nú yfir í Vatíkaninu um hvernig bæta megi viðbrögð við barnaníði. Reuters

Leiðtogar kaþólsku kirkjunnar hafa „ekki hugmynd" um hvernig þeir eigi að bregðast við barnaníði presta í Brasilíu, þar sem meira umburðaryndi gagnvart barnaníði er bundið í menninguna, miðað við Vestræn lönd. Þetta segir brasilískur sálfræðingur.

Fjögurra daga ráðstefna stendur nú yfir í Vatíkaninu um hvernig bæta megi viðbrögð við barnaníði. Edenio Valle, prestur og sálfræðingur frá Brasilíu ræddi um vandann þar í landi á ráðstefnunni í dag. „Skemmst er frá því að segja að einhvers konar aðgerðir og viðbrögð af hálfu kirkjunnar til lengri eða skemmri tíma eru ekki á áætluninni," sagði Valle. „Það er engin alvöru umræða um vandann sem er undirliggjandi. Fórnarlömb geta hvergi leitað sér hjálpað eða skjóls. Yfirleitt eru þau bara fjarlægð af vettvangi."

Valle segir að það sé vilji til staðar hjá brasilísku kirkjunni, að hluta vegna þrýstings frá Vatikaninu, til að uppræta vandann en það reynist þeim erfitt að finna réttu leiðirnar vegna þess að brasilísk menning sé umburðarlyndari gagnvart barnaníði.

„Þetta almenna fálæti gagnvart hneykslismálum tengdum kaþólskum prestum má rekja til þess að barnaníð er hegðun sem er miklu frekar umborin í brasilískri menningu en í Evrópu eða  Norður-Ameríku."

Fjölmörg hneykslismál tengd barnaníði innan kaþólsku kirkjunnar hafa komið upp á síðustu árum, fyrst og fremst í Evrópu ofg Bandaríkjunum. Talsmenn Vatíkansins hafa  varað við því að fjöldi mála í Afríku, Asíu og Suður-Ameríku kunni að eiga eftir að koma í ljósa.