Samgöngur á Dóná hafa víða farið úr skorðum þar sem þykkur ís er yfir ánni á nokkur hundruð km svæði í sex ríkjum Evrópu.

Dóná, sem er 2.860 km löng, liggur í gegnum níu lönd og er hún mjög mikilvæg siglingaleið í löndunum. Um hana sigla fólksferjur auk þess sem miklir vöruflutningar fara á milli landa um Dóná.

Í Belgrad í Serbíu er ísinn allt að 50 cm þykkur en samkvæmt upplýsingum frá hafnaryfirvöldum eru öll skip örugg í höfn. Stjórnvöld í Serbíu hafa lagt bann við öllum siglingum á ám landsins næstu daga. 

Í Króatíu var þremur skipverjum bjargað þar sem skip þeirra sat fast í ísnum.

Í Rúmeníu er Dóná ísilögð á stóru svæði og eru engar tilraunir til að sigla á ánni bannaðar. Í Ungverjalandi má enn sigla á Dóná en tekið fram að þeir sem það gera séu á eigin ábyrgð. Ekkert er hægt að sigla á Dóná vegna íssins og slíkt gerist ekki nema í miklum og langvinnum frosthörkum.