Erlent | AFP | 10.2.2012 | 12:13 | Uppfært 12:34

Spilling verður N-Kóreu að falli

Kim Jong-Un yngsti sonur Kim Jong-Il og nýr leiðtogi Norður-Kóreu heilsar hermönnum. Reuters

Elsti sonur Kim Jong-Il heitins segir að mútur og spilling séu allsráðandi í Norður-Kóreu og muni verða ríkinu að falli. Tölvupóstsamskipti hans við japanskan blaðamann voru opinberuð í dag.

Kim Jong-Nam er hálfbróðir Kim Jong-Un sem tók við stjórn kommúnistaríkisins eftir dauða föður þeirra. Hann hefur skrifast á við japanska blaðamanninn Yoji Gomi um hríð og birtust tölvupóstar hans í tímaritinu Bungeishunju í dag.

Minnir á Sovétríkin rétt fyrir fallið

Jong-Nam segir að Norður-Kórea sé svo gegnsýrð af spillingu að stjórnmálakerfi landsins geti ekki lifað af til lengdar. „Múturnar, sem kaupmenn verða að bjóða háttsettum embættismönnum til þess að lifa af, eru sífellt að hækka. Svona spillt kerfi hlýtur óhjákvæmilega að hrynja. Þetta minnir mig á stöðuna í Sovétríkjunum, rétt áður en þau féllu,“ sagði Jong-Nam í tölvupósti dagsettum 7. desember.

Í öðrum pósti frá 5. ágúst í fyrra sagði hann að ungmenni í Norður-Kóreu verði fyrir miklum áhrifum frá kapítalisma og menningu Suður-Kóreu, sem berist til þeirra þrátt fyrir allt. „[Þau] lifa sínu eigin lífi og leitast við að fara á svig við ofríkið. Svo ég ráðlagði Jong-Un að bjóða þeim betri lífskjör með því að opna landið og gera umbætur.“

Portrett af Kim Il-Sung stofnanda Norður-Kóreu prýðir hér vegg íbúðablokkar í Pyongyang. Ljósmyndin vann verðlaun World Press Photo fyrir myndir ... Worl Press Photp/Damir Sagolj

Stjórnmálaástandið hættulegt

Sex dögum áður en tárvotur sjónvarpsþulur tilkynnti dauða Kim Jong-Il sagði sonur hans í tölvupósti til Japans að traust almennings á leiðtogum Norður-Kóreu væri splundrað í kjölfar misheppnaðra aðgerða stjórnvalda árið 2009 til að kæfa niður svartamarkaðsverslun í landinu og stýra verðlagi. Fregnir herma að embættismaðurinn sem stýrði aðgerðunum hafi verið tekinn af lífi eftir að þær fóru í súginn.

„Aldraður leiðtogi, óreyndur arftaki, efnahagur í rústum... það er talið að stjórnmálaástandið í norðri sé hættulegt,“ sagði Jong-Nam. Hann taldi bróður sinn ekki nógu gamlan til að verða leiðtoga Norður-Kóreu. „Ég get ekki séð í svip þessa stráks neina alvöru eða ábyrgð sem komandi leiðtogi ríkis sem er í svona flókinni stöðu. Hann er ekki djúpþenkjandi um framtíð þessa lands,“ sagði í tölvupósti dagsettum 4. nóvember.

Suður-Kóreumenn og flóttamenn frá Norður-Kóreu mótmæla mannréttindabrotum í Norðri á götum Seoul í janúar 2012. Reuters

Herinn stjórnar sér sjálfur

Litlu munaði að ógnarjafnvæginu milli suðurs og norðurs yrði steypt í nóvember 2010 þegar norðurkóreski herinn gerði sprengjuárás á Yeonpyeong-eyju, sem drap 4 Suður-Kóreumenn. Jong-Nam segir að herinn hafi gert árásina til að sýna sig og réttlæta kjarnorkuáætlun landsins. Hann telur að herinn sé öflugasta aflið í landinu sem lúti sinni eigin stjórn.

„Faðirinn er gamall, arftakinn er ungur, föðurbróðirinn hefur enga hernaðarreynslu. Svo það er í rauninni enginn sem getur stjórnað hernum,“ sagði hann og vísaði í Jang Song Thaek, frænda þeirra, sem margir telja að sé heilinn á bak við einræðisherrann.

Kim Jong-Nam var lengi vel talinn líklegasti arftaki Kim Jong-Il, enda elsti sonur hans. Hann var hinsvegar settur út af sakramentinu árið 2001 eftir að hann gerði tilraun til að komast ásamt fjölskyldu sinni til Japans með fölsuðu vegabréfi. Hann er sagður búa fyrst og fremst í Kína.

Erlent »

Mynd af flutningaskipinu Rena frá því í apríl

Stjórnendur Rena dæmdir í fangelsi

07:09 Skipstjóri og stýrimaður flutningaskipsins Rena, sem strandaði á Astrolabe-rifi við Nýja-Sjáland 5. október í fyrra, voru í dag dæmdir í sjö mánaða fangelsi hvor. Meira

Bandalag múslíma lýsir yfir sigri

06:36 Muhammed Mursi, forsetaefni Bræðralags múslíma, er með flest atkvæði þegar búið er að telja um helming atkvæða í forsetakosningunum sem fram fóru í Egyptalandi í gær og fyrradag. Meira

Búsáhaldabylting í Quebec

07:57 Þúsundir mótmælenda voru mættir á götur úti í borginni Montreal í Quebec í Kanada í gærkvöldi með potta og pönnur og létu það ekki stöðva sig að lögreglan hefur handtekið um eitt þúsund mótmælendur í vikunni. Meira

Jarðskjálfti í Christchurch

06:06 Íbúum í borginni Christchurch á Nýja-Sjálandi var brugðið í nótt þegar jarðskjálfti sem mældist 4,7 stig reið yfir borgina. Í fyrra létust 185 í hörðum jarðskjálfta þar. Meira

Embættismennirnir verði sóttir til saka

Í gær, 23:03 Kínverski andófsmaðurinn Chen Guangcheng hvatti stjórnvöld í Kína til þess að sækja til saka löglausa embættismenn sem hefðu áreitt og misþyrmt honum, fjölskyldu hans og stuðningsmönnum viðtali við Reuters- fréttaveituna í dag sem er eitt það fyrsta sem hann hefur veitt eftir að hann kom til Bandaríkjanna síðastliðinn laugardag. Meira

Hollande í Afganistan

06:23 Forseti Frakklands, François Hollande, kom í óvænta heimsókn til Afganistan, í dag. Þar lýsti hann því yfir að brottför fransks herliðs frá landinu yrði í samstarfi við samherja Frakka innan Atlantshafsbandalagsins. Meira

Frönsku reykingafólki fjölgar

Í gær, 23:30 Reykingafólki hefur farið nokkuð fjölgandi í Frakklandi þrátt fyrir reykingabann á skemmtistöðum og veitingastöðum og hærri skatta á tóbak en um þriðjungur Frakka reykir nú samkvæmt nýjum tölum. Þetta kemur fram á fréttavefnum Thelocal.fr. Meira

Skotar lögbinda áfengisverð

Skotar hafa bundið verð á áfengi í lög til að reyna að hemja drykkju landsmanna.

Í gær, 21:50 Skosk stjórnvöld hafa lögbundið lágmarksverð á áfengi í þeim tilgangi að stemma stigu við óhóflegri drykkju landsmanna. Ekki má selja áfengseininguna fyrir lægra verð en 50 pens frá og með apríl á næsta ári, en slík eining er skilgreind sem einn sentílítri. Meira

Þátttaka í vörnum Íslands ótengd NATO

Jyrki Katainen, forsætisráðherra Finnlands.

Í gær, 21:27 Forsætisráðherra Finnlands, Jyrki Katainen, hafnaði því alfarið í umræðum í finnska þinginu í dag að tillaga um að Finnar tækju þátt í norrænu samstarfi við að gæta lofthelgi Íslands væri hugsuð til þess að koma Finnlandi inn í Atlantshafsbandalagið (NATO). Meira

Fangar látnir lausir vegna verkfalls

Í gær, 20:29 Tugir fanga í fangelsinu í Bergen í Noregi voru leystir úr haldi í morgun vegna verkfalls opinberra starfsmanna í landinu. Fangarnir í fangelsinu, 72 að tölu, voru kallaðir á fund í morgun þar sem þeim var tilkynnt að fangelsið yrði tæmt til þess að fangaverðirnir gætu farið í verkfall og flestir fanganna yrðu því látnir lausir. Meira

„Marshall-aðstoð“ fyrir Sýrlendinga

Í gær, 21:23 Sendiherrar og starfsmenn utanríkisþjónustunnar í um 60 löndum ræddu í dag áætlun um að koma efnahag Sýrlands til bjargar, en átök hafa staðið yfir í landinu undanfarna 14 mánuði. Fulltrúar landa Arababandalagsins, Evrópusambandsins, Persaflóaríkjanna, auk fulltrúa SÞ tóku þátt í viðræðunum. Meira

Eldur í norskri eyju

Í gær, 18:54 Slökkviliðsmenn í Bergen í Noregi hafa barist við eld í eyjunni Sotra, sem er skammt undan landi, í meira en sólarhring án árangurs. Nokkrar íbúðir hafa verið rýmdar í eyjunni og hugsanlega þarf að rýma fleiri. Þykkan reyk leggur yfir Bergen og nágrannabyggðir. Meira

Telja Ísrael vera „árásargjarnt“

Forseti Þýskalands, Joachim Gauck, og kanslari landsins Angela Merkel.

Í gær, 17:28 Mikill meirihluti Þjóðverja telur Ísrael vera „árásargjarnt“ og telja að Þýskaland hafi ekki lengur sérstökum skyldum að gegna gagnvart landinu samkvæmt niðurstöðum nýrrar skoðanakönnunar sem birt var í dag. Meira

Bud er orðinn að annars stigs stormi

Mynd tekin af gervihnetti af fellibylnum Bud.

Í gær, 16:31 Fyrsti fellibylur tímabilsins, sem nefndur hefur verið Bud, er orðinn að annars stigs stormi. Hann ferðast á 165 kílómetra hraða á klukkustund og er nú staddur undan suðvesturströnd Mexíkó. Meira

Áfram réttað yfir Mladic

Ratko Mladic í dómsal Alþjóðadómstólsins í Haag 16. maí síðastliðinn.

Í gær, 16:02 Réttarhöldin yfir Ratko Mladic, fyrrum yfirmanni hers Bosníu-Serba í Bosníustríðinu, sem hefur viðurnefnið Slátrarinn frá Bosníu, munu halda áfram 25. júní. Gert var hlé á þeim daginn eftir að þau hófust við Alþjóðadómstólinn í Haag vegna „óreglu“ í skipulagi réttarhaldanna. Meira

Norskir ríkisstarfsmenn geri of miklar kröfur

Í gær, 16:57 Jens Stoltenberg forsætisráðherra Noregs segir að opinberir starfsmenn fari fram á of mikla launahækkun. Tilboð ríkisins um 4% launahækkun hafi verið gott. Þúsundir norskra ríkisstarfsmanna lögðu niður störf í dag, þar á meðal flest starfsfólk Óslóarháskóla. Meira

Sundrung meðal stjórnarandstæðinga

Burhan Ghalioun fyrrverandi leiðtogi uppreisnarmanna og stjórnarandstöðunnar í Sýrlandi.

Í gær, 16:21 Burhan Ghalioun fyrrverandi leiðtogi Sýrlenska þjóðarráðsins, helstu samtaka stjórnarandstæðinga í Sýrlandi, segir að mikil sundrung sé í ráðinu og að það hafi ekki staðið sig sem skyldi í því upplausnarástandi sem ríkir í landinu. Meira

Ríkasta kona heims

Í gær, 15:28 Ástralinn Gina Rinehart er ríkasta kona heims samkvæmt því sem fram kemur í ástralska viðskiptatímaritinu BRW. Eru auðæfi Rineharts, sem er 58 ára, metin á 29 milljarða ástralska dali, eða sem samvarar 3.600 milljarða kr. Meira