LARRY DOWNING

Baráttan um forsetaembættið í Bandaríkjunum er hafin og meðan forsetaframbjóðendur Repúblikanaflokksins nýta hvert tækifæri í forvali flokksins til þess að gagnrýna Barack Obama, forseta Bandaríkjanna, hefur forsetinn ákveðið að snúa vörn í sókn og markað stefnu sína í fjárlögum komandi árs.

Í fjárlögum forsetans setur Obama tóninn fyrir kosningabaráttuna sem hefst af krafti í sumar. Baráttan verður háð um skatta og eyðslu ef marka má forsetann sem vill hærri skatta til að tryggja innviði samfélagsins og búa til störf.

Fjárlögin eru það tæki sem sitjandi forseti getur beitt fyrir sig til þess að leggja áherslu á sín mál í aðdraganda kosninga. Ljóst er að fjárlög forsetans munu fá kaldar móttökur hjá fulltrúadeild þingsins en þar hafa repúblikanar meirihluta.

Repúblikanar á bandaríska þinginu hafa gagnrýnt nálgun forsetans og segja að skatthækkanir hans muni koma illa niður á smáum og meðalstórum fyrirtækjum. Þá benda þeir á að stefna forsetans muni auka enn frekar á skuldir Bandaríkjanna sem séu orðnar allt of miklar nú þegar.

Hægt er að sjá skuldir og tekjur Bandaríkjanna hér, Skuldir og tekjur