Sjö hafa verið handteknir í þremur borgum í Bandaríkjunum vegna smygls á nashyrningshornum til landsins. Áttu handtökurnar sér stað á nokkurra daga tímabili. Fjórir voru handteknir í Los Angeles, sá síðasti á flugvellinum á miðvikudag. Þá voru húsleitir gerðar í að minnsta kosti fimm ríkjum, samkvæmt upplýsingum dómsmálaráðuneytisins.

Jin Zhao Feng, kínverskur ríkisborgari, var handtekinn á flugvellinum en hann er grunaður um að hafa stjórnað innflutningi á nashyrningshornum milli Kína og Bandaríkjanna.

Handtökurnar og húsleitirnar koma í framhaldinu á 18 mánaða rannsókn á ólöglegum innflutningi nashyrningshorna. Smyglhringurinn sem reynt er að uppræta er grunaður um að hafa flutt inn talsverðan fjölda horna. Pakkar með að minnsta kosti 37 hornum voru opnaðir af yfirvöldum í Bandaríkjunum við rannsókn málsins. 

Til viðbótar voru þrír handteknir í Los Angeles, m.a. par, 49 ára karl og  41 árs kona, og 26 ára sonur mannsins. Nashyrningar og horn þeirra eru friðuð samkvæmt bandarískum lögum og bannað flytja slíkt til landsins.

Einn hinna handteknu er Wade Steffen, kúreki frá Texas.

Duft úr nashyrningshornum eru af sumum talin kynörvandi. Þó er það svo að hornin innihalda efnið keratín, sem er það sama og er í fingurnöglum og mannshári.