Aukin þrýstingur á Hvíta-Rússland

Stjórnarandstæðingurinn Dmitry Bondarenko ræðir við fjölmiðla eftir að honum var sleppt úr fangelsi í Minsk þann 15. apríl 2012. Reuters

Bandaríkin þrýstu í dag á Alexander Lúkasjenkó, forseta Hvíta-Rússlands að sleppa lausum öllum pólitískum föngum sem sitja í fangelsum landsins. Tveimur stjórnarandstæðingum var sleppt úr fangelsi í gær en Bandaríkin segja ekki nóg að gert.

Einræðisstjórnin í Hvíta-Rússlandi sleppti í gær lausum Andrei Sannikov, sem bauð sig fram til forseta á móti Lúkasjenkó. Kosningastjóra hans Dmitry Bondarenko, sem einnig hefur setið í fangelsi, var sleppt á sama tíma, eftir þrýsting frá Evrópusambandinu.

„Þetta eru mikilvæg skref," sagði í yfirlýsingu bandaríska utanríkisráðuneytisins í dag. "Við hvetjum ríkisstjórn Hvíta-Rússlands til að láta samstundis og skilyrðislaust lausa alla pólitíska fanga og til að tryggja að þeir fái að nýju að njóta mannréttinda."

Viðbrögð Bandaríkjanna við aðgerðum Hvíta-Rússlands eru samhljóma viðbrögðum Evrópusambandsins, sem hefur aukið þrýsting sinn á Hvíta-Rússland undanfarið, m.a. með því að frysta eigur 29 þarlendra fyrirtækja, auk þess að frysta bankareikninga og setja ferðabanna á 12 einstaklinga.