Fjórtán létust í rútuslysi í Ekvador

Fjórtán létust og sautján slösuðust í rútuslysi í fjallahéraði í Ekvador í dag. Alls voru 40 manns um borð í rútunni en ekki liggur fyrir hvað olli slysinu.

„Björgunarsveitarmenn á slysstað segja að 14 séu látnir og 17 meiddir, lítillega jafnt sem alvarlega,“ segir talsmaður slökkviliðsins.

Umferðarslys eru næstalgengasta dánarorsök í Ekvador en þúsundir týna lífum sínum árlega af þeirra völdum.