Hollenska þingið leyst upp

Beatrix Hollandsdrottning hefur beðið fráfarandi ríkisstjórn landsins um að leysa upp þing landsins. Mark Rutte, forsætisráðherra, gekk á fund drottningar í gær og baðst lausnar fyrir stjórn sína og eru kosningar fyrirhugaðar 12. september.

Búist hafði verið við afsögninni eftir að viðræður ríkisstjórnarflokkanna tveggja, sem sátu í minnihlutastjórn, og leiðtoga Frelsisflokksins, Geert Wilders, um niðurskurð hjá hinu opinbera runnu út í sandinn á laugardag.

Viðræður um niðurskurðinn höfðu þá staðið yfir í sjö vikur. Í tillögum stjórnarflokkanna fólst 14,4 milljarða evra sparnaður og hefði þær orðið að veruleika hefði tekjuhalli ríksisins lækkað í 2,8% af áætlaðri þjóðarframleiðslu ársins 2013, en hann var 4,7% á síðasta ári. Það hámark, sem löndum Evrópusambandsins er sett, eru 3% af þjóðarframleiðslu.

• Blogga um frétt