Handtökur í kröfugöngu

Kröfugöngur tengdar verkalýðsdeginum fara ekki alls staðar friðsamlega fram. Þannig handtók lögreglan í Austur-Tímor á níunda tug manna og dreifði fjöldanum sem kallaði eftir hærri launum í morgun.

Lögreglan segist hafa þurft að bregðast við eftir að mótmælendur hófu að láta ófriðlega og kasta steinum. Hún segir að þrír lögreglumenn og öryggisvörður við hótel hafi slasast. „Þetta voru ólögleg mótmæli vegna þess að samkvæmt lögum um mótmæli þarf að fara fram á leyfi fjórum dögum áður,“ hefur fréttaveitan AFP eftir lögreglumanninum Pedro Belo.

Alls voru 84 handteknir, þar af níu konur. Lögregla segir fólkið ekki hafa farið að fyrirmælum auk þess að vera með uppsteyt.

mbl.is
Fleira áhugavert
Fleira áhugavert