Aukið upplýsingaflæði í Norður-Kóreu

Við aðallestarstöðin í Pyongyang í apríl 2012. stækka

Við aðallestarstöðin í Pyongyang í apríl 2012. AFP

Íbúar Norður-Kóreu hafa meiri aðgang en nokkru sinni fyrr að erlendum miðlum, þar á meðal útvarpi, sjónvarpi og dvd diskum. Í nýrri skýrslu kemur fram að stjórnvöld hafi ekki getað viðhaldið „algjörri einokun" yfir upplýsingaflæði og einnig að skilningur íbúa á heiminum sé að breytast.

Norður-Kórea er sagt það land heims þar sem fjölmiðlafrelsi er minnst. Bandarísk stjórnvöld létu kanna hvernig þróunin hefur verið undanfarin tvö ár og byggja niðurstöðurnar á skoðanakönnunum meðal 250 Norður-Kóreumanna, fyrst og fremst flóttamanna, auk nokkurra ferðamanna.

Meirihluti íbúa Norður-Kóreu hefur enn engan beinan aðgang að erlendum fjölmiðlum, en þeim fjölgar þó sem það hafa. Auk þess sýna niðurstöðurnar að Norður-Kóreubúar séu síður hræddir við að deila upplýsingum sem þeir komast yfir með öðrum.

Notkun erlendra dvd-diska hefur sérstaklega aukist í Norður-Kóreu samkvæmt rannsókninni, sem bandarísk stjórnvöld létu framkvæma. Fyrst og fremst er þar um að ræða dramamyndir frá Suður-Kóreu sem hefur verið smyglað yfir landamærin frá Kína. Tæpur helmingur svarenda sagðist hafa horft á erlendar dvd-myndir í Norður-Kóreu.

„Þegar þú kemur höndum yfir hágæðaframleiðslu af suðurkóresku efni, og þar með innsýn í stað sem þú hefur verið heillaður af allt þitt líf vegna þess að áróður Norður-Kóreu snýst svo mikið um Suður-Kóreu, þá hefur það mjög mikil áhrif,“ hefur BBC eftir Nat Kretchun, einum höfundi skýrslunnar.

Þá kemur fram í skýrslunni að ýmis tækjabúnaður, s.s. usb-lyklar og ólöglegir kínverskir farsímar, berst nú yfir landamærin frá Kína í talsverðu magni og er sérstaklega notaður af efri stéttunum. Aukið aðgengi að erlendum fréttum og upplýsingum hefur, að sögn skýrslunnar, leitt til þess að Norður-Kóreubúar líta nú stjórnvöld landsins gagnrýnni augum en áður.  

  • Til baka
  • Blogga um frétt
  • Senda
Vönduð hönnunarljós til sölu Tilboð óskast.Vertu klár!
Er með 4 ARTEMIDE ICARO hönnunarveggljós til sölu, fást á 140 þúsund 4 stk. sama...
KAUPMANNAHÖFN YNDISLEGAR ÍBÚÐIR
Kaupmannahöfn â€" yndislegar íbúðir. Tvær fullbún...
KOMDU Í BÍLÓ!
Allskonar bílar til sölu. Sjáðu þessa til dæmis! Upplýsingar á www.BILO.is - s. ...
MacFarline 500 KW rafstöð - Varafl í gám
Höfum til sölu lítið notaða eða um 1600 tíma 500 kw rafstöð í ágætis standi. V...
 
Starfsleyfistillögur
Tilkynningar
Auglýsing um starfsleyfistillögur Dag...
Landsst. 6014112019 vii
Félagsstarf
Landsst. 6014112019 VII...
Fræðslufundur
Fundir - mannfagnaðir
- Fræðslufundur Minja og sögu - Sigu...