Norskt smábarn lést eftir umskurð

Tveggja vikna gamall norskur drengur lést eftir að hann var umskorinn á læknastofu í Ósló. Talið er að um 2000 drengir séu umskornir þar í landi á ári hverju og í mörgum tilvikum er aðgerðin framkvæmd af öðrum en heilbrigðismenntuðu fólki.

Petter Schou, héraðslæknir í Ósló þar sem aðgerðin var gerð, segir í samtali við fréttavef Aftenposten að barnið hafi látist tveimur dögum eftir aðgerðina.

Norsk heilbrigðisyfirvöld kanna nú hvort herða eigi lög varðandi þessa aðgerð, en umskurður drengja er umdeilt mál þar í landi. Sumir stjórnmálamenn vilja láta banna slíkar aðgerðir, en aðrir vilja að þær verði hluti af heilbrigðiskerfinu fyrir þá sem þess óska.

Umboðsmaður barna í Noregi kallar eftir umræðu um aldurstakmark á slíkum aðgerðum og telur að umskurð af trúaraðstæðum eigi ekki að framkvæma á drengjum yngri en 15 ára.

• 3 blogg um fréttina

Bloggað um fréttina

• Ómar Bjarki Smárason: Getur barn tekið ákvörðun um að það óski eftir umskurði?
• Kristin stjórnmálasamtök: Dauðsfall vegna umskurnar barns í Noregi
• Magnús Jónsson: Vonda veröld, árið 2012 ?