Áfram heldur óöldin í Sýrlandi

Að minnsta kosti 15 óbreyttir sýrlenskir borgarar voru teknir af lífi án dóms og laga af her landsins í borginni Homs í nótt. Íranar, einn helsti bandamaður Sýrlendinga í alþjóðasamfélaginu, segja að sýrlensk stjórnvöld þurfi meiri tíma til að koma á friði í landinu.

Mannréttindasamtök greindu frá því að a.m.k. 15 óbreyttir borgarar hafi verið teknir af lífi í Homs eftir að herinn hafði leitað þeirra í Shammas hverfinu og fjarlægt fólkið af heimilum sínum. Meðal þeirra sem voru líflátnir var múslímaprestur, sex barna faðir.

Íranar segja að stjórn Bashar al-Assads, forseta Sýrlands, þurfi lengra ráðrúm til að  verða við kröfum alþjóðasamfélagsins og Sameinuðu þjóðanna. Ofbeldið í landinu hefur nú varað í 15 mánuði. Íranar hafa lýst yfir stuðningi við stjórn Assads.

„Önnur lönd, sér í lagi nágrannalöndin, ættu að hjálpa Sýrlendingum við að koma á friðaráætlun SÞ. Að öðrum kosti gæti skapast alvarlegt vandamál í þessum heimshluta,“ sagði Ali Akbar Salehi, utanríkisráðherra Írans, í viðtali við ISNA fréttastofuna.

Salehi tiltók engin einstök lönd, en stjórnmálaskýrendur telja að þarna hafi hann átt við Katar og Sádi-Arabíu.

Hann bætti því við að ríkisstjórn Sýrlands hefði stigið mörg skref í lýðræðisátt, m.a. með stjórnarskrárbreytingum og kosningunum sem haldnar voru 7. maí síðastliðinn.

Þrátt fyrir að vopnahléi hafi verið komið á í landinu fyrir mánuði, er lítið lát á átökum og talið er að meira en 900 manns hafi látið lífið í átökum og mótmælum í landinu síðan þá. Alls hafa meira en 12.000 manns látíst í átökunum í Sýrlandi frá því að mótmælin hófust þar í mars í fyrra.

Rúmlega 200 friðargæsluliðar Sameinuðu þjóðanna eru nú í landinu, en til stóð að þeir yrðu 300 talsins.

mbl.is

Frá Sýrlandi til Evrópu - Greinaflokkur

Vandaðir gúmmíbátar, slöngubátar, CAMO
Bátarnir eru 3,30 m á lengd og 1,52 m á breidd. Geymsluhólf undir báðum sætum ...
Véla & tækjakerrur til afgreiðslu samdægurs
Einnig bílaflutningakerrur og fjölnotavagnar með innbyggðum sliskjum. Sími 615 ...
Subau Outback Lux Plus diesel 2016 til sölu
Subaru Outback Lux Plus diesel, 4x4 sjálfskiptur með beinskiptimöguleika flipask...
Hárþurrka
Hárþurrka til sölu.Verðhugmynd 40.000 Uppl í síma 862-1703...
 
Samkoma fellur niður í kvöld
Félagsstarf
Hörgshlíð 12 Samkoma fellur niður í kv...
Deiliskipulag
Tilboð - útboð
Kjósarhreppur auglýsir skv....
Breyting á aðal- og deiliskipulagi
Tilkynningar
Auglýsing um skipulag á Akranesi Till...
Félagsstarf
Staður og stund
Árskógar 4 Smíðar/útskurður m./leiðb. kl...