Sérsveitarmenn á vegum Nató frelsuðu í gær fjóra hjálparstarfsmenn sem hafa verið í haldi í Afganistan síðan 22. maí.
Fjórmenningarnir voru frá Bretlandi, Kenía og Afganistan. David Cameron, forsætisráðherra Bretlands, sagði að sérsveitarmennirnir hefðu sýnt mikið hugrekki.
Fimm mannræningjanna féllu í aðgerðunum.
Hjálparstarfsmennirnir voru á leið í gegnum fjallahéröð í Afganistan á hestbaki þegar þeir voru teknir höndum. Líðan gíslanna er góð að sögn talsmanns Nató. Fimmti gíslinn var frelsaður í kjölfar aðgerðanna.