Egypska þingið ólöglega kjörið

Mótmælendur gegn stjórn hersins í Egyptalandi.
Mótmælendur gegn stjórn hersins í Egyptalandi. Reuters

Æðsti stjórnlagadómstóll Egyptalands úrskurðaði í dag að þing landsins, þar sem íslamistar hafa verið í meirihluta, sé ólöglega kjörið. Niðurstaðan opnar á það að egypski herinn taki á ný yfir löggjafarvaldið í landinu samkvæmt fréttaveitunni AFP.

„Stjórnlagadómstóllinn staðfesti ýtarlega í úrskurði sínum að þingkosningarnar hefðu ekki verið í samræmi við stjórnarskrána og að samsetning þingsins hafi verið ólögleg síðan í kosningunum,“ er haft eftir opinberu fréttaveitunni MENA í Egyptalandi.

Þá er haft eftir ónafngreindum heimildarmanni innan hersins að forystumenn hans vilji ekki fá löggjafarvaldið aftur til sín en það sé engu að síður í samræmi við úrskurð dómstólsins og lög landsins.

Fram kemur í frétt bandaríska dagblaðsins Los Angeles Times að úrskurður stjórnlagadómstólsins sé á þá leið að kjör þriðjungs þingmanna hafi ekki verið lögum samkvæmt sem þýði að hægt sé að leysa þingið upp þar til nýtt hefur verið kjörið.

Þá segir að ekki sé ljóst hvenær og hvernig nýjar þingkosningar kunni að fara fram. Vinnu við nýja stjórnarskrá hafi verið frestað vegna pólitískra deilna og óvíst sé með hvaða hætti áframhaldandi stjórnmálaþróun í landinu eigi eftir að verða.

Forseti egypska þingsins, Saad al-Katatni, hafði fyrir úrskurðinn sagt að enginn utanaðkomandi aðili hefði vald til þess að leysa upp þingið samkvæmt AFP og það væri þingsins að meta með hvaða hætti úrskurði dómstólsins yrði framfylgt.

Forsetakonsingar fara fram í Egyptalandi um helgina en stjórnlagadómstóllinn úrskurðaði einnig í dag að ólögmætt væri að útiloka Ahmed Shafiq, fyrrverandi forsætisráðherra landsins, frá þátttöku í þeim en lög höfðu verið sett sem bönnuðu fyrrverandi ráðamönnum landsins að gegna opinberum embættum.

mbl.is

Frá Sýrlandi til Evrópu - Greinaflokkur

Bílastæðaskilti - heildarlausn á viðhaldi bílastæða
Frá því 1988 hafa BS verktakar boðið heildarlausnir á viðhaldi bílastæða og umhv...
Tjöld,háþrýstidæla ofl.
Til sölu tjöld,2 manna kr 4000,og 4 manna kr 10000. Samanbrjótanlegur ferðasvef...
Nudd Nudd Nudd
Relaxing Nudd Down Town Reykjavik, S. 6959434, Alima...
Flugárið 2017....
Til leigu skemmtileg einkaflugvél. Mjög hagkvæm í rekstri. 4 sæti. Uppl. 898603...
 
Félagsstarf
Staður og stund
Árskógar 4 Opin smíðastofa kl. 9-16. Sun...
Framhald uppboðs
Nauðungarsala
Uppboð Einnig birt á www.naudungarsolu...
Samkoma
Félagsstarf
Samkoma kl. 20 í Kristniboðs- salnum. R...
Geirlandsá - útboð óskað er eftir tilbo
Veiði
Geirlandsá - útboð Óskað er eftir til...