27 milljón þrælar í heiminum

Hillary Clinton, utanríkisráðherra Bandaríkjanna, kynnti í dag skýrslu um þrælahald ...
Hillary Clinton, utanríkisráðherra Bandaríkjanna, kynnti í dag skýrslu um þrælahald í heiminum. AFP

Allt að 27 milljónum manna er haldið sem þrælum í heiminum. Þetta kom fram í máli Hillary Clinton, utanríkisráðherra Bandaríkjanna, þegar hún kynnti skýrslu bandarískra yfirvalda í dag um mansal og þrælahald í heiminum.

„Þrátt fyrir að Bandaríkin og önnur lönd hafi fyrir löngu lagt á bann við þrælahaldi hefur það ekki komið í veg fyrir þrælahald í heiminum,“ sagði Clinton. Hún sagði fórnarlömb nútímaþrælahalds vera jafnt konur og karlar, stúlkur og drengi. Þeirra sögur minntu okkur á hversu grimmdarlegt mannkynið getur verið.

„Hver sem bakgrunnur þeirra er þá er þetta fólk nauðsynleg áminning um þá staðreynd að baráttunni gegn þrælahaldi er hvergi nærri lokið.“

Af 185 löndum sem fjallað var um í skýrslunni uppfylla aðeins 33 þeirra að fullu kröfur sem skýrsluhöfundar gera til laga gegn mansali. Kröfurnar taka mið af mannréttindayfirlýsingu Sameinuðu þjóðanna sem leggur bann við þrælahaldi og þvinguðu sjálfboðastarfi.

Þau ríki sem standa sig verst eru Lýðræðislega lýðveldið Kongó, Líbía, Norður-Kórea, Sádi-Arabía og Sýrland.

Bandaríkin halda brátt upp á það að 150 ár eru liðin frá upphafi frelsisbaráttu bandarískra þræla. Clinton vonast til þess að nota megi söguna til að berjast gegn þrælahaldi nútímans.

mbl.is

Frá Sýrlandi til Evrópu - Greinaflokkur

VIÐHALD FASTEIGNA
Við þjónustum þig með lítil sem stór verk. Tímavinna eða tilboð. sími: 544-44...
Skrifstofuhúsnæði - hagstætt leiguverð.
Til leigu er 197 ferm. skrifstofuhúsnæði við Bíldshöfða. Skiptist í móttöku, fim...
Vatnshitarar fyrir sumarhús.
Ýmsar gerðir af vatnshiturum 3300w til 21000w fyrir sumarhús, þessi búnaður er f...
 
Framhald uppboðs
Nauðungarsala
Uppboð Einnig birt á www.naudungarsolu...
L helgafell 6017091319 iv/v fjhst.
Félagsstarf
? HELGAFELL 6017091319 IV/V Fjhst. ...
Útb 20265 vátrygging landsvirkjunar
Tilboð - útboð
Útboð nr. 20265 Vátryggingar...
Samkoma
Félagsstarf
Kjötsúpa kl. 19 og samkoma kl. 20 í Kr...