Uppreisnarmenn vantar vopn

Foringjar uppreisnarmanna í Sýrlandi hafa áhyggjur af því að þá sé farið að skorta vopn í baráttunni við stjórnarherinn. Blóðug styrjöld hefur geisað í landinu í marga mánuði og þúsundir óbreyttra borgara fallið í átökum uppreisnarmanna og hersins.

Í frétt AFP segir að foringjarnir hafi komið saman til fundar skammt frá Aleppo til að bera saman bækur sínar. Í ljós hafi komið að skortur á skotvopnum ógni helst baráttunni að þeirra mati. Vopnin sem nú séu fyrir hendi rétt dugi til að halda uppi vörnum þeirra svæða sem þegar eru á valdi uppreisnarmanna.

Mestar áhyggjur hafa þeir af Aleppo, næststærstu borg landsins, þar sem harðir bardagar hafa geisað frá því í sumar. Þeim finnst hægt þoka í baráttunni og kenna því um að ekki séu næg vopn til að verjast stjórnarhernum og öðrum sem honum fylgja.

Þeir fara fram á það að lönd sem segjast styðja uppreisnina útvegi þeim vopn.

„Ég hef ekki fengið eina einustu byssukúlu frá einhverjum utan landamæranna,“ segir einn uppreisnarmaður og á þar m.a. við að menn sem segjast styðja frelsisherinn hafi ekki staðið við stóru orðin.

Uppreisnarmennirnir hafa hins vegar náð á sitt vald sæmilegum vopnabúrum stjórnarhersins.

„Þið, unga fólkið, þið þekkið Facebook og netið, setjið herferð af stað, gerið eitthvað,“ segir annar.

Leyniskyttur uppreisnarmanna hafa fellt nokkra í Damaskus og Aleppo undanfarið. Þúsundir annarra óbreyttra borgara hafa týnt lífi og enn fleiri hafa flúið land.

mbl.is

Frá Sýrlandi til Evrópu - Greinaflokkur

VÖNDUÐ VEL BÚIN KENNSLUBIFREIÐ
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
Honda CR-V 2005
Honda CR-V árg 2005 - bensín - ekinn 221.000 km - fjórhjóladrifin - beinskiptur ...
Í jólapakka golfarans
Lagerhreinsun - hentug viðbót í jólapakkann Síðustu eintökin af Vasapésunum á s...
Notalegir inniskór
Notalegir inniskór Teg. 005 - stærðir 37-42- verð kr. 4.500,- Teg. 629 - stærðir...
 
Onik 2017 20 skýli fyrir hleðslustöðvar
Tilboð - útboð
/ 14.12.2017 Útboð Orka náttúrunn...
Samkoma
Félagsstarf
Söngsamkoma kl. 20 í Kristni- boðssalnu...
Deiliskipulag
Tilkynningar
Skútustaðahreppur Auglýsing um deilis...
Kröflulína
Tilkynningar
Mynd af auglýsingu ...