Þótti bjóða upp á of góðan mat

Kokkur í skólamötuneyti í Svíþjóð hefur verið beðinn um að hætta að bera á borð nýbakað brauð og girnilega grænmetisrétti þar sem það sé ósanngjarnt gagnvart nemendum í öðrum skólum.

Annika Eriksson stýrir mötuneyti í grunnskóla í Falun. Yfirstjórn skólans fékk beiðni frá skólayfirvöldum um að það væri „ósanngjarnt“ gagnvart öðrum nemendum hversu góður matur væri í boði.

Jafnframt þótti maturinn ekki í samræmi við stefnu skólayfirvalda um mataræði.

Að sögn Katarinu Lindbert sem fer fyrir nefnd um mataræði í skólum hefur hún fengið fjölda kvartana frá reiðum foreldrum eftir að tilmælunum var komið til Eriksson.  

Ákveðið hefur verið að minnka grænmetishlaðborð skólans um helming en þess í stað verði boðið upp á prótínríkara fæði. Jafnframt verður brauð hér eftir keypt úr verslun.

Nemendur úr fjórða bekk skólans hafa sett á fót undirskriftalista sem látinn er ganga um meðal íbúa bæjarins og í skólanum. Vonast þeir eftir því fá að halda sama matarfyrirkomulagi.

Frá þessu er sagt í The Local.

• 4 blogg um fréttina

Bloggað um fréttina

• Axel Jóhann Axelsson: Sósíalismi andskotans
• Ómar Ragnarsson: Lögmálið um "neysluhvata."
• Jóhanna Thorsteinson: Jöfnuður niður á við..
• Ásgrímur Hartmannsson: Jöfnuður, maður!